E fundit!

07:30 Horoskopi

Horoskopi i ditës, e mërkurë 15 korrik 2026

Dashi Ruani qetësinë në marrëdhënie dhe shmangni reagimet...

Detaje të reja nga atentati në Mamurras/ Kush është i plagosuri, lidhja me vrasjen e vëllezërve Haxhia

22 Shkurt 2022, 08:17, Kronika CNA

Detaje të reja kanë dalë nga plagosja e dyfishtë e ndodhur gjatë natës në Mamurras. Në një atentat kanë mbetur të plagosur A. S. 39 vjeç, banues në Durrës, G.D. 40 vjeç, banues në Fushë- Mamurras.

Sipas abcnews, Gentian Diva i plagosur në këtë konflikt raportohet se është vëllai i Enver Divës, i cili është lënë në burg për shkak se akuzohet si i implikuar në vrasjen e dy vëllezërve Besmir dhe Viktor Haxhia, në qytetin e Durrësit më 2020.

Në datë 17 Qershor, Besian Xhixha dhe Enver Diva u arrestuan si bashkëpunëtorë në vrasjen e dy vëllezërve Besmir dhe Viktor Haxhia në prill të 2020. Xhixha nga fshati Larushk i Krujës dhe Diva nga Fushë-Mamurrasi para vrasjes së dyfishtë janë takuar me Nuredin Dumani që dyshohet se është porositësi i ekzekutimit. Ata akuzohen se kanë siguruar kushtet dhe mjetet për vrasjen e dy vëllezërve, ndërsa kanë qenë të parët e kontraktuar për vrasjen e tyre nga Nuredin Dumani dhe Talo Cela. Plani dështoi pasi Enver Diva u prek nga covid. Për këtë arsye, Nuredin Dumani e mori vetë situatën në dorë. Dy ditë pas arrestimit gjykata vendosi masën e arrestit me burg për dy bashkëpunëtorët.

Por si ndodhi konflikti në Mamurras?

Sipas policisë rreth orës 01:45, në Mamurras pas një konflikti Andi Diva, dhe Kastriot Leshaj, kanë qëlluar me armë zjarri në drejtim të automjetit tip ? Honday? duke plagosur A.S. 39 vjeç, banues në Durrës, Gentian Diva, 40 vjeç, banues në Fushë- Mamurras. Pas ngjarjes të plagosurit janë transportuar në spitalin e Traumës Tiranë dhe ndodhën nën kujdesin mjekësor.

Policia ka mundur të arrestojë Andi Divan si dhe u bë shpallja në kërkim dhe vijojnë kontrollet për kapjen e shtetasit Kastriot Leshajt, 50 vjeç, banues në Mamurras. Dyshohet se ngjarja ka ndodhur për një vajzë.

Gjatë kontrollit në banesën e autorit të arrestuar Andi Diva., shërbimet e Policisë gjetën dhe sekuestruan një armë zjarri pushkë, me krehër dhe 20 fishekë.

Kërcet arma në Mamurras/ Plagosen dy persona