web counter
LEXO PA REKLAMA!

SHKARKO APP

App Store
Google Play

E fundit!

x

Bylisi dhe Erzeni nuk falin/ Ja të gjitha rezultatet e Kategorisë së Parë

12 Shkurt 2022, 14:47, Sport CNA

Bylisi ka bërë menjëherë autokritikë pas humbjes ndaj Turbinës. Sot skuadra e Jeton Beqirit mposhti 1-0 Pogradecin, me një gol të shënuar nga mbrojtësi Samba, dhe diferenca me shijakasit mbetet 5 pikë.

Erzeni vazhdon të ndjekë ballshiotët, pasi fitoi pastër 2-0 kundër Turbinës në Cërrik. Mehmeti me goditje dënimi dhe Hidi me penallti e likuiduan skuadrën e drejtuar nga Sinan Bardhi.

Shijakasit i gëzohen edhe humbjes që pësoi Korabi i vendit të tretë. Dibranët u mposhtën në Lezhë, pasi Besëlidhja realizoi dy gola me vëllezërit Ruben dhe Redon Danaj.

Fitore edhe për Tomorin, që ka mposhtur Vorën falë një goli të Spahiut. Butrinti ka marrë tre pikë të arta në luftën për mbijetesë, pasi mundi Lushnjën me shifrat 2-1. Jaupaj ishte heroi i sarandiotëve, pasi zhvlerësoi golin e Xhymertit.

Tërbuni ka ndaluar Apoloninë, që e ka mundur 1-0 në Pukë. Filip shënoi golin trepikësh, ndërkohë që Peqini nuk shënoi dot me penallti golin e qetësisë.

Besa ka përmbysur Burrelin, që e ka mposhtur me rezultatin 3-1. Braziliani Paulo Junior kaloi në epërsi matjanët, kurse Meçja me dygolësh dhe Hoxha i dhanë tre pikët kavajasve.

Maliqi i vendit të fundit vazhdon të shpresojë, pasi mundi rivalët e Shkumbinit me rezultatin 2-1. Rrezhda shënoi dy golat e skuadrës vendase, kurse peqinasit barazuan përkohësisht me Nexhën.

KATEGORIA E PARË ? JAVA 19
E shtunë, më 12 shkurt, ora 13:30

Besëlidhja-Korabi 2-0
Shënues: Red. Danaj (pen.) 15?, Rub. Danaj 38?
Butrinti-Lushnja 2-1
Shënues: Jaupaj 40?, 85? / Xhymerti 22?
Tomori-Vora 1-0
Shënues: Spahiu 14?
Tërbuni-Apolonia 1-0
Shënues: Filipi 64?
Bylisi-Pogradeci 1-0
Shënues: Samba 36?
Maliqi-Shkumbini 2-1
Shënues: Rezhda 32?, 90+4? / Nexha 46?
Besa-Burreli 3-1
Shënues: Meçja 44?, 83?, Hoxha 58? / Paulo Junior 11?
Turbina-Erzeni 0-2
Shënues: Mehmeti 12?, Hidi (pen.) 63?





Lajmet e fundit nga