E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

Renditja/ Shtetet me numrin më të lartë të përdoruesve të varur nga telefonat inteligjentë

11 Shkurt 2022, 21:53, Tech CNA

Një studim i ri ka zbuluar shtetet me shkallën më të lartë të përdoruesve të varur nga telefonat inteligjentë dhe çuditërisht, Britania e Madhe nuk është as në 10-shen e parë.

Studiuesit në Universitetin McGill përdorën të dhëna për përdoruesit e smartfonëve mes viteve 2014 dhe 2020 me rreth 34,000 pjesëmarrës në 24 vende të botës.

Kina , Arabia Saudite dhe Malajzia kishin përdoruesit më të lartë të smartfonëve, ndërsa Gjermania dhe Franca kishin një numër më të ulët të personave të varur nga telefonat. Studimi u krye nga studiues në Universitetin McGill në Montreal, Kanada dhe u botua në revistën Computers in Human Behavior .

Për studimin, ekipi vëzhgoi 81 studime të publikuara më parë për përdorimin e telefonit nga adoleshentët dhe të rinjtë, të gjitha të bazuara në shkallën e varësisë nga telefonat inteligjentë (SAS).

SAS është masa më e përdorur e varësisë nga smartphone, për të vlerësuar si ndikojnë telefonat në jetën e përditshme, humbjen e kontrollit dhe simptomat e tërheqjes.

Grupmosha që u studiua ishin nga 15 deri në 35 vjeç, megjithëse mosha mesatare e përgjithshme ishte 28.8 vjeç, dhe shumica e tyre ishin femra (60 përqind).

Studiuesit i caktuan çdo shteti një pikë për përdorimin tejmase të smartfonëve, duke filluar nga 10 në 60. Kina u rendit më e larta, me një rezultat 36 nga 60.

Shkencëtarët e renditin Kinën si vendim me përdoruesit më të varur ndaj telefonave. Më poshtë do të shihni renditjen e shteteve që përdorin më së shumti telefonat dhe kanë një varësi ndaj tyre.

1-Kina (36.18)

2-Arabia Saudite (35.73)

3-Malajzia (35.43)

4-Brazil (32)

5-Koreja e Jugut (31.62)

6-Irani (31.52)

7-Kanada (31.11)

8-Turqia (30.92)

9-Egjipt (29.54)

10-Nepal (29.41)

11-Itali (28.82)

12-Australi (28.61)