E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Skënderbeu vazhdon të humbasë, Memelli: Gjithçka do vendoset në fund të kampionatit

6 Shkurt 2022, 07:59, Sport CNA

Migen Memelli mendon se humbja ndaj Tiranës u ndikua nga episode të veçanta. Trajneri i Skënderbeut, deklaroi pas sfidës se ekipi bëri mirë sa i përket reagimit. Megjithatë, skuadra duhet të ketë një lloj fryme dhe ta tregonte gjatë të gjitha sfidave që duheshin trajtuar si finale, në një luftë për mbijetesë që ai e parashikon të zgjasë deri në javën e fundit.

?Mendoj se ka qenë një ndeshje episodesh dhe kur episodet të ndodhin njëri pas tjetrës, humbet ekuilibrat në skuadër. Goli i parë ishte goditje standarde, nuk duhet të spostohej Meksi nga shtylla e parë, por janë gjëra që ndodhin. Goli i dytë ishte rivënia, duhej të ishim më të qetë, të tregonim kujdes. Po merreshim në tepër me arbitrin se me fillimin e lojës. Goli i tretë pastaj? Episode të tilla lënë një shijë të keqe e duhen rregulluar në të ardhmen. Pas këtyre dy episodeve, edhe goli i tretë pastaj të vret se humbet çdo vlerë. Por ajo që më bën krenar te lojtarët është fakti që edhe pas golit të tretë nuk u dorëzuan në asnjë rast, vazhduan lojën. Por kur je në disavantazh të tre golave, është pak e vështirë për të rikuperuar.

Jemi katër skuadra, ne, Kastrioti, Egnatia dhe Dinamo që u mund sot. Unë mendoj se ky do të jetë një kampionat që do të vendoset deri në javën e fundit, duke qenë i tillë u kam thënë lojtarëve që çdo ndeshje duhet vlerësuar. Nuk mund ti vëmë emër ekipit që kemi përballë por t?i shohim ndeshjet si finalja e fundit që të bën të qëndrojmë.

Penalltia? Ne në dorë të VAR-it jemi gjithmonë. Nuk është se përjetova ndonjë gjë se praktikisht deri në atë moment, duke diskutuar edhe me stafin, ajo që bëmë na jep besim për ndeshjet e ardhshme. Por pa diskutim penalltinë vendosëm ta godiste Mensah se nuk kanë shënuar sulmuesit në këto 5 ndeshje dhe të jep impakt. E kisha paracaktuar Sadriun, por duke parë situatën, mendova ta godasë Mensah. Ai dha edhe asist, ka bërë një ndeshje shumë të mirë, për t?i rritur numrin e golave dhe për t?i dhënë besim sulmuesve që nuk kanë shënuar?, tha Memelli.