E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

Faktori gjenetik dhe roli në ndjeshmërinë ndaj infeksioneve

6 Shkurt 2022, 16:38, Lifestyle CNA

Nga Blerta Brati, mjeke mikrobiologe ne ISHP

Në shumicën e infeksioneve virale, sistemi imunitar arrin të luftoje virusin vetë dhe sëmundja zakonisht shërohet pa pasoja. Ndonjëherë virusi qëndron në trup dhe shkakton rikthime, sic eshte rasti i herpesit.

Kur ekziston një vaksinë, atehere ky është parandalimi më i mirë kundër viruseve.

Antibiotikët janë të paefektshëm kundër sëmundjeve virale.

Trajtimi i viruseve është simptomatik: antipiretikë, analgjezik, antiemetikë, antidiarre, antiseptikë…

Antiviralët mund të përdoren në raste të caktuara, si për gripin apo HIV, etj, apo dhe ne raste te tjera kur studimet e aprovojne ate.

Viruset janë mikroorganizma që mund të shkaktojnë sëmundje virale pak a shumë serioze dhe gjithmonë ngjitëse. Ato mund të transmetohen shumë shpejt, duke shkaktuar një epidemi, apo edhe një pandemi si me koronavirusin aktual.

Është e mundur që viruset të jenë shumë të vjetër, ndoshta më të vjetër se bakteret më të vjetra.

1/ viruset përmbajnë vetëm një lloj acidi nukleik (ADN ose ARN) që përbën gjenomën virale.

2/ viruset riprodhohen nga materiali i tyre gjenetik dhe nga riprodhimi.

3/ viruset janë të pajisur me parazitizëm absolut brendaqelizor.

Per ta ditur:

Viruset luajnë një rol të rëndësishëm si vektorë natyrorë në të ashtuquajturat transferime horizontale të gjeneve (në krahasim me të ashtuquajturat transferime vertikale nga prindi tek pasardhësit) midis individëve të ndryshëm dhe madje specieve të ndryshme, duke lejuar një rritje të diversitetit gjenetik, dhe përhapja e inovacioneve gjenetike përtej pasardhësve të individëve që bartin një mutacion gjenetik të caktuar.

Në veçanti, transduksioni dhe endogjenizimi janë zakonisht evolucione gjenetike që mund të ndodhin vetëm me ndihmën e viruseve.

Nuk ka dyshim se faktori gjenetik luan një rol të rëndësishëm në ndjeshmërinë ndaj infeksioneve ne pergjithesi. Por variantet gjenetike mbrojtëse të identifikuara deri më tani përfaqësojnë vetëm një pjesë të vogël të variacioneve totale. Ka shumë mundësi që shumë variante të tjera janë ende të panjohura. Në një përpjekje për të eksploruar pamjen më të madhe, studiuesit italiane analizuan gjenomin në 52 popullata të ekspozuara ndaj një shumëllojshmërie të gjerë të viruseve në pjesë të ndryshme të botës.