web counter
LEXO PA REKLAMA!

SHKARKO APP

App Store
Google Play

"Duhet të reflektojmë me veten", Memelli surprizon me deklaratën para Teutës: Quhet fatale apo dështim kur...

26 Janar 2022, 16:59, Sport CNA

Skënderbeu do të presë ditën e nesërme Teutën në sfidën e vlefshme për Kupën e Shqipërisë. Kjo përballje do të zhvillohet në një stadium të mbushur me dëborë, ku korçarët e Migën Memellit do të tentojnë të rikthejnë entuziazmin, duke përfituar edhe nga momenti i vështirë që kampionët në fuqi të Superiores po kalojnë.

Në prag të këtij dueli ka folur shkurtimisht edhe tekniku pogradecar Memelli, i cili në një prononcim për ?CNA.al?, ndër të tjera u shpreh:

?Duhet të reflektojmë me veten. Kur e them këtë kam parasysh një mori rastesh të humbura përpara porte. Dështimin në asnjë moment nuk ia kam faturuar lojtarëve. Kur krijon kaq shumë raste para porte, quhet fatale, apo dështim kur nuk i finalizon ato raste.

Përpos kësaj vjen edhe mërzitja. Ne trajnerët e shikojmë atë pjesë që mungoi tek vetja se si duhet t?i përmirësojmë gjërat edhe kaq. Është në dorën tonë pjesa se si mund ta përmirësojmë punën dhe çfarë mund të bëjmë më mirë, për të arritur rezultate sa më të mira.

Nesër ndaj Teutës do të futemi në fushë për të bërë një ndeshje të mirë, për ta fituar ata. Për të reflektuar tek pjesa që rastet të mos i shpërdorojmë më. Edhe pse këto 2 ditë kushtet atmosferike nuk na kanë dhënë shumë kohë dhe hapësirë për të punuar. Atmosfera dhe harmonia në skuadër është ajo që ka qenë?, u shpreh Memelli për ?CNA.al?.

 





Lajmet e fundit nga