web counter
LEXO PA REKLAMA!

SHKARKO APP

App Store
Google Play

E fundit!

x

Futbollisti grek bind Memellin, do firmosë me Skënderbeun

19 Janar 2022, 13:17, Sport CNA

Skënderbeu është pranë zyrtarizimit të një tjetër afrimi në këtë merkato të janarit. Pas një periudhe prove disajavore, duket se greku Jorgos Andoniadhis ka mundur të bindë stafin bardhekuq dhe trajnerin Migen Memelli se është lojtari, që mund t?i japë një ndihmë bardhekuqve në pjesën e mbetur të sezonit. 22-vjeçari, që ka luajtur sezonet e fundit në kategorinë e dytë greke, duket se ka treguar cilësi të mira në seancat stërvitore duke arritur të lërë shenjë në kampin bardhekuq.

Pritet që Andoniadhis të jetë afrimi i tretë gjatë kësaj merkatoje, teksa zyrtarizimi i lojtarit do të vijë në ditët në vijim. Trajneri Migen Memelli është bindur se afrimi i grekut mund të sjellë cilësi dhe alternativa për ekipin që drejton, ndaj u ka kërkuar drejtuesve të klubit mbylljen e marrëveshjes. Nga sa bëhet me dije, Andoniadhis pritet që të firmosë në Korçë një kontratë dyvjeçare.

Ajo që kishte bindur Memellin për të kërkuar akordin me 22-vjeçarin, veç cilësive dhe formës së mirë të grekut ishte edhe fakti se ai mund të mbulojë disa pozicione duke u kthyer në një xhol për bardhekuqtë. 22-vjeçari grek, Andoniadhis luan në pozicionin e tij natyral si mesfushor me tipare mbrojtëse i përshtatshëm për të bërë rolin e shkatërruesit, ndërsa mund të përdoret edhe si një mbrojtës në rreshtimin me 5 mbrojtës, që përdor Skënderbeu.





Lajmet e fundit nga