web counter
LEXO PA REKLAMA!

SHKARKO APP

App Store
Google Play

“Do ta kesh tradhtuar”/ Gruaja paraqitet e gjakosur nga dhuna në polici, tregon çfarë i ndodhi

16 Janar 2022, 16:37, Lifestyle CNA

Aurora më tej ka vijuar të tregojë historinë e vuajtjeve të jetës së saj. Ajo rrëfen se si ish bashkëshorti e dhunonte, saqë për shkak të dhunës humbi fëmijën e saj.

Por kjo nuk më e keqja. Më e keqja është në momentin kur ajo shkon të denoncojë dhunën në polici.

Në rubrikën “Ka një mesazh për ty”, Aurora ka treguar se, pasi ish bashkëshorti i saj e kishte rrahur në mes të lagjes, ashtu me shenjat e dhunës, Aurora ishte drejtuar në polici për ta denoncuar.

Kur është paraqitur në komisariat, Aurora është përballur me komentin nga shefi i policisë, se ish bashkëshorti i saj mund ta ketë dhunuar se ajo e tradhtonte.

Pjesë nga rrëfimi

Ardit Gjebrea: Ajo që më intereson më shumë të thuash është momenti kur ke shkuar sërish në polici. I njëjti shef policie, çfarë të thotë?

Aurora: Hera e tretë ishte që unë kisha urdhër mbrojtjeje që ai nuk duhej të më prekte me dorë.

Ardit Gjebrea: Ai përsërit skenën e dhunës?

Aurora: Ai më rrah në sy të të gjithë lagjes edhe unë shkoj në polici me shenja dhune dhe po ashtu më kishte gërvishtur me bicak, me një thikë xhepi më goditi pas veshit dhe kisha shenja në qafë që më kishte kapur nga fyti dhe ishte gjaku duke më kulluar.

Ardit Gjebrea: Dhe çfarë të thanë?

Aurora: Kur shkoj tek policia, më thotë mua: Aurorë, ti duhet ta kesh tradhtuar këtë burrin tënd se e treta hera e njëjta gjë nuk ka mundësi. Unë nuk mundem që të jap urdhër mbrojtjeje më thotë për një gërvishtje. Unë atë gërvishtje e kam sot pas veshit.

Ardit Gjebrea: Domethënë dhuna, komuniteti, gjykatësja, policia. Kur i bashkon të gjitha këto copëza pazëlli krijon një portret shumë të shëmtuar dhe një keqardhje shumë të madhe për atë që ndodh./ CNA.al





Lajmet e fundit nga