E fundit!

13:58 Aktualitet

Abuzuan me fondet dhe skemën e ndihmës ekonomike/ Jepen masa sigurimi për 6 zyrtarë

Me kërkesë të Prokurorisë pranë Gjykatës së Shkallës së Pa...

Presidenti i ligës së Gabonit, akuzohet për abuzim seksual me futbollistët e rinj…

6 Janar 2022, 18:36, Sport CNA

Serge Mombo, një zyrtar kryesor i futbollit në Gabon, është akuzuar se ka abuzuar seksualisht me lojtarët e rinj dhe ka kërkuar seks, si kusht që ata të sigurojnë vende në ekipet kombëtare.

Mombo u rizgjodh si president i ligës më lartë e futbollit të Gabonit, në qershor 2021. Ai, një ish-polic, mohoi pretendimet e abuzimit, të bëra nga viktimat dhe dëshmitarët e dyshuar, raporton ?The Guardian?.

Ai gjithashtu mohoi pretendimet, se i kishte ofruar një trajneri futbolli gabonez, Patrick Assoumou Eyi, i njohur si ?Capello?, djem për të abuzuar seksualisht.

Eyi, ashtu si Mombo, një figurë e lartë në federatën e futbollit të Gabonit, po përballet me akuza për përdhunim të miturve dhe sulm seksual, pasi pretendimet nga viktimat e supozuara, u raportuan nga ?The Guardian?.

Një viktimë e supozuar tha, se ishte abuzuar nga Mombo dhe Capello në vitin 2014 në hotelin ?Heliconia? në Libreville, kryeqyteti i Gabonit, gjatë një kampingu stërvitor. ?Ai ishte aty, duke zgjedhur disa djem. Ai bëri lojën e tij të ndyrë me Capello-n?.

Viktima e supozuar tregon: ?Po atë natë, Mombo erdhi në dhomën time dhe më tha të shkoja në dhomën e gjumit të Capello-s. Ai nuk tha më shumë dhe nuk më dha zgjedhjen. Ishte pothuajse ora 10 e natës. Capello më priti pa bluzë. Ai më tha se isha i talentuar, por për të mbështetur presionin, do të më duhej të vija në punë mendjen.?

?Unë vija nga një familje e varfër, po mendoja për këtë. Unë jam i turpshëm, por kjo ishte mënyra ime e vetme për të ndihmuar familjen time, e dini, kështu që pranova ofertën e tij të parë. Unë u zgjodha herën tjetër, por u ndjeva shumë keq. Më shkatërruan fizikisht, emocionalisht. Kur refuzova të shkoja më tej, nuk u përzgjodha më me kombëtaren?.

Një tjetër ish-lojtar, që pretendoi se ishte abuzuar nga Eyi dhe Mombo kur përfaqësonte U-17 të Gabonit më 2017, tha se zyrtari u përpoq ta joshte me premtime për një vend në formacionin fillestar.

?Në ekipin kombëtar, Serge Mombo ishte një grabitqar,- thotë ai. ? Ai na ofroi propozime seksuale në këmbim të një vendi në ekip në të ardhmen. Na zgjodhën, na dhanë disa avantazhe: para, dhurata dhe gjithashtu privilegjin për të luajtur për vendin tonë?.