web counter
LEXO PA REKLAMA!

SHKARKO APP

App Store
Google Play

E fundit!

x

Përgjaket 2022/ 10 aksidente në 3 ditë me një humbje jetë dhe 14 të plagosur

3 Janar 2022, 13:55, Kronika CNA

Viti 2022 ka nisur me përgjakjen e rrugëve.  10 aksidente janë shënuar vetëm në tre ditët e para të viti.

14 persona janë plagosur, mes tyre dhe një e mitur. Ndërsa sot nga një aksident në Dibër është regjistruar një viktimë.

Me 1 Janar 2022, në Elbasan është shënuar aksidenti i parë. Një automjet ka përplasur një 15 vjeçar, i cili fatmirësisht ka shpëtuar pa lëndime të shumta.

Me 2 Janar 2022, aksidenti i dytë është regjistruar në zonën e Lezhës dhe konkretisht në  fshatin Rrile, ku një automjet përfundoi në kanal pasi tentoi parakalimin e një tjetër makine.

Po në të njëjtën ditë aksidenti i radhës  ka ndodhur në aksin rrugor Fushë-Krujë-Thumanë. Bëhet fjalë për një aksident të trefishtë, ku mbeti e dëmtuar një nga pasagjeret.

Një tjetër aksident me 2 Janar është shënuar në në Lushnje, përkatësisht, në kryqëzimin e Savrës , ku mbetën të lënduar tre persona, pas përplasjes së dy makinave.

Gjithashtu po me 2 Janar, është përgjakur aksi Vlorë-Fier. Pranë mbikalimit të Novoselës një ?Mercedez Benz? duke ecur mbrapsht  është përplasur nga një tjetër makinë. Në aksident është përfshirë edhe një mjet i tretë, i cili në përpjekje për të shmangur përplasjen me dy makinat e aksidentuara , ka përfunduar jashtë rruge. Në këtë aksident, ka mbetur e  plagosur një grua.

Me 3 Janar 2022, një aksident është raportuar nga Saranda, ku një 40-vjeçar ka humbur kontrollin e makinës, duke dalë nga rruga.  Për pasojë kanë përfunduar të plagosur, bashkëshortja  e drejtuesit të automjetit dhe vajza e tyre 5 vjeçe.

Aksidenti i radhës, sot ka ndodhur në Durrës. Dy automjete raportohet, se janë përplasur me njëri-tjetrin dhe për pasojë kanë mbetur të lënduar dy persona, të cilët ndodhen nën kujdesin e mjekëve.

Po, sot, nga Bulqiza janë raportuar dy aksidente. Në aksin rrugor Bulqizë-Fushë Bulqizë në vendin e quajtur ?Pishat? një makina tip ? Fuoristradë? dhe një tjetër tip ?Suzuki? kanë dalë nga rruga.

Mesditën e sotme, aksidentet kanë kulmuar me një humbje jete.  Pas aksidentit të ndodhur në segmentin rrugor Peshkopi-Maqellarë, një person ka humbur jetën. Aksidenti, sipas Policisë është regjistruar në orën 11:30,  kur mjeti tip ?Volksvagen Pasat?, ka dalë nga rruga. Në këtë aksident kanë mbetur të plagosur 3 persona, të cilët janë transportuar për ndihmë mjekësore në spital./E.S-CNA.al





Lajmet e fundit nga