E fundit!

13:58 Aktualitet

Abuzuan me fondet dhe skemën e ndihmës ekonomike/ Jepen masa sigurimi për 6 zyrtarë

Me kërkesë të Prokurorisë pranë Gjykatës së Shkallës së Pa...

“Një artist e ka zemrën të madhe, jo të ligë”/ Ronela Hajati reagon pas kritikave të shumta

1 Janar 2022, 13:38, Lifestyle CNA

Këngëtarja Ronela Hajati do të përfaqësojë Shqipërinë në Eurovizion, pasi u shpall fituese e Festivalit të 60 të Këngës.

Këngëtarja është përballur me kritika të shumta nga shumë personazhe të njohur, të cilët kanë shprehur mendimin e tyre, duke thënë se kënga nuk përmban asnjë mesazh.

Pas gjithë kritikave, Ronela Hajati ka reaguar përmes një postimi të gjatë në rrjetet sociale.

Këngëtarja ka treguar se ky vit nuk ka qenë aspak i lehtë për të.

Ajo e ka cilësuar fitoren në Festival si një nga gjërat më të sakta që i ka ndodhur në vitin 2021.

Sipas saj, kënga dhe performanca e saj janë pëlqyer nga shumë ndjekës jashtë Shqipërisë dhe komentet negative i ka marrë pikërisht nga shqiptarët.

“Viti 2020 dhe viti 2021 kanë qenë nga vitet më të vështira të jetës sime! Jo se s?kam pasur vite të tjera të këqija, por këto kanë qenë ato më të vështirat për t?u fshehur që cdo gjë është ok! Dhe jo nga ana financiare, as dashurore po nga një faktor tjetër që nuk dua të përmend. Sot dua t?ju uroj shëndet e pozitivitet me njëri-tjetrin! Sepse nuk e kemi? Fitorja e festivalit ka qenë gjëja më e saktë që më ka ndodhur në këtë periudhë. Kemi punuar aq shumë për këngën ?SEKRET? e prapë s?jam e kënaqur akoma. Performanca ime është për herë të parë trending në Europë si asnjëherë. Komentet e shumta nga të huajt janë 95 përqind pozitive. Kontestime? Gjithmonë do ketë, totalisht normale!

Por urrejtje nga artiste për një vajzë që ka punuar me vite të tëra për shumë artistë të tjerë, për tekste të mrekullueshme, melodi të mirë; është e neveritshme dhe diabolike. Do thoni kujt i plas? Mua! Mua, që kam sakrifikuar gjërat më të shtrenjta per t?i pëlqyer njerëzve! Komentet e këqija kanë qenë minimale, por të gjitha nga adresa shqiptare. Më falni të gjithë ju ?poetët? që zhargonin e keni të mrekullueshëm! Një artist i vërtetë e ka zemrën e madhe e të bukur, jo të ligë! Një artist i vërtetë nuk blen as tekste, as muzikë, por ulet dhe punon! Gëzuar 2022! Ju dua pafund! Dhe mos harroni: Vetëm shëndet se të gjitha rregullohen“, shkruan Ronela ne rrjetet sociale./A.E-CNA.al