web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Jemi ekipi më në formë i kampionatit

29 Dhjetor 2021, 14:01, Sport CNA

Skënderbeu do të kërkojë rritjen e mëtejshme në pjesën e dytë të sezonit. Të paktën kështu pretendon Elvi Berisha, sulmuesi i bardhekuqve që ka zhvilluar një pjesë të mirë të sezonit në nivele të larta. Në prononcimin e fundit, sulmuesi i Skënderbeut tregon rrugëtimin e afërsisht gjysmës së parë të kampionatit, ndërsa ka pretendimet e veta për pikët që korçarët kanë marrë deri më tani. Sipas Berishës, fati në një numër të madh ndeshjesh nuk ka qenë me Skënderbeun, ndaj në pjesën e dytë të kampionatit përqendrimi dhe cinizmi duhet të jetë shumë herë më i madh.

?Kemi mbyllur një pjesë të parë të sezonit dhe deri diku jemi të kënaqur me atë që kemi arritur në javët e fundit. Forma jonë ka qenë e mirë në gjashtë ndeshjet e fundit ku me bindje e them se kemi zhvilluar futboll të bukur dhe kemi qenë ekipi më në formë i kampionatit. Të them të drejtën, kur shoh ndeshjet që kemi zhvilluar dhe pikët e grumbulluara në këtë pjesë të parë të kampionatit, më vjen keq.

Duhet të kishim shumë më shumë pikë në klasifikim pasi kemi prodhuar shumë. Fati në pjesën më të madhe të rrugëtimit nuk ka qenë në krahun tonë pasi ndeshjet e zhvilluara kanë merituar të mbyllen me tjetër rezultat. Por, gjithsesi, jemi të bindur në forcën tonë dhe premtojmë të vazhdojmë kështu edhe në pjesën e mbetur. Besimi na është kthyer që pas ndeshjes me Kukësin. Ai takim ka ndryshuar gjithçka në mentalitetin tonë dhe prej andej e në vazhdim kemi pësuar rritje të vazhdueshme?, theksoi Berisha.





Lajmet e fundit nga