web counter
LEXO PA REKLAMA!

SHKARKO APP

App Store
Google Play

Aksidenti ku humbën jetën babë e bir/ Vihet në pranga shoferi

28 Dhjetor 2021, 09:03, Kronika CNA

Një aksident tragjik ka ndodhur dje në aksin rrugor Milot-Rubik ku humbën jetën babë e bir.

Viktimat e këtij aksidenti tragjik janë shtetasit Sh.P, 31 vjeç, dhe djali i tij i mitur 3 vjeç, me inicialet O.P., i cili ishte ulur në vendin e pasagjerit.

Sot raportohet se policia ka vënë në pranga shoferin e mjetit me të cilin u përplasën babë e bir.

Çifti nga fshati Rrilë i Lezhës udhëtonin në  automjetin tip ?Opel? , me të cilin u përfshinë në aksident me një automjet tjetër tip ?Benz?.

Nga përplasja e fortë, mjeti ku udhëtonte çifti është përplasur dhe me barrierën e rrugës, duke bërë kështu që për dy anëtarët e familjes goditja të ishte fatale.

Fëmija raportohet se ndërroi jetë në vend, ndërsa babai i tij në spital. Dyshimet paraprake mbi shkaqet e aksidentit flasin për një parakalim të gabuar nga mjeti tip ?Benz? i cili u përfshi nga flakët, ndërsa shoferi ndodhet në gjendje të rëndë në spitalin e Traumës. Gjithashtu një tjetër pistë ku po hetohet është edhe lagështia në rrugë. Policia vijon hetimet për zbardhjen e plotë të shkaqeve që çuan në dy jetë të humbura./ CNA.al





Lajmet e fundit nga