web counter
LEXO PA REKLAMA!

SHKARKO APP

App Store
Google Play

E fundit!

x

“Jam penduar, dënimin e kisha hak, jashtë do rifilloj jetën”/ Mesazhet e forta nga burgu i grave

27 Dhjetor 2021, 08:11, Aktualitet CNA

Brenda këtyre mureve ka histori pafund, fate të pakngjashme grash që i lidh një emërues; dënimi. Përballja me drejtësinë, izolimin, humbjen e lirisë e mbi të gjitha me vetveten nga jashtë mund të duket sikur ?thyen edhe gurin?, por kur je brenda qelive dhe pas hekurave ?dy duar për një kokë janë?, ndaj grave të burgut 325 i duhet të përshtaten dhe të numërojnë ditët, javët e muajt.

Ky fundvit, ku sekush bën bilancin e 365 ditëve, i gjen gratë e burgut ?Ali Demi? në një atmosferë feste. Dikush shkruan një kartolinë, dikush pikturon dhe dikush tjetër mundohet të punojë diçka me duar për t?ia u dërguar familjes apo fëmijeve, të cilët këtë vit nuk do të jenë me nënat e tyre në vendin e vuajtjes së dënimit.

Vajza të reja, të cilat janë penduar për veprën që kanë kryer, gjatë një interviste për gazetaren Bora Shahini në emisionin ?Abc-ja e mëngjesit?  thonë të bindura se vetmja gjë e shtrenjtë është familja dhe liria.

Një ndër to është Dornela, një vajzë e re e cila po vuan dënimin për veprën e kryer, shpërndarje e lëndëve narkotike. Gjatë intervistës ajo shprehet e penduar dhe se dënimi është I merituar. Në këtë prag fundviti ajo ka një kartolinë për nënën e saj, vuajtjet që ajo I ka shkaktuar.

Një tjetër vajzë e cila vuan dënimin e saj brenda burgut të grave është edhe Olesia Duka, një emër i njohur për opinionin public, pas lajmeve që qarkulluan rreth arrestimit të saj. Edhe ajo sot ka një urim për prindrit dhe motrën e saj, duke shprehur dhimbjen e lëndimit, por sipas saj shpresën se së shpejti do të jetë pranë tyre.

Ndërsa për drejtoreshën e burgut të grave Elona Demollari ky është një nga vitet më të vështira për të organizuar momente festive për gratë e burgosura, pasi për pjesën që janë nëna, nuk munden dot të kenë fëmijët afër si çdo vit tjetër./abc news





Lajmet e fundit nga