E fundit!

11:39 Aktualitet

Rama ka ndërhyrë për Ballukun?/ Braho-opozitës: Paraqitini provat në SPAK

Deputetja Elda Hoti në Komisionin për Nismat Qytetare ka d...

Lëviznin me fishekë dhe armë zjarri/ Arrestohen dy të rinj nga Lushnja

26 Dhjetor 2021, 09:01, Kronika CNA

Dy të rinj nga Lushnja kanë rënë në prangat e policisë pas finalizimit të operacionit ?Shkallnuri?.

Përmes një njoftimi për media, blutë e Durrësit bëjnë me dije se pas operacionit për parandalimin e ngjarjeve kriminale dhe kapjen e personave që qarkullojnë me armë zjarri me vete, janë arrestuar shtetasit me iniciale F. M., 23 vjeç dhe N. H., 28 vjeç.

Dy të rinjëve u është sekuestruar një armë zjarri pistoletë, me një karikator me 14 fishekë.

?Durrës

Finalizohet operacioni policor i koduar ?Shkallnuri?, për parandalimin e ngjarjeve kriminale dhe kapjen e personave që qarkullojnë me armë zjarri me vete.

Operacioni nga Komisariati i Policisë Durrës, në bashkëpunim me shërbimet operacionale të DVP Durrës.

Qarkullonin me armë zjarri me vete, vihen në pranga 2 shtetas nga Lushnja.

Sekuestrohet një armë zjarri pistoletë, me një karikator me 14 fishekë.

Në vijim të punës për parandalimin e ngjarjeve kriminale, kapjen dhe arrestimin e personave që qarkullojnë me armë zjarri me vete, bazuar dhe në informacionet e marra në rrugë operative, shërbimet e Komisariatit të Policisë Durrës, në bashkëpunim me shërbimet operacionale të DVP Durrës, në kuadër të operacionit policor të koduar ?Shkallnuri?, bënë kapjen dhe arrestimin në flagrancë të shtetasve:

F.M., 23 vjeç dhe N. H., 28 vjeç, të dy banues në Fiershegan, Lushnjë.

Arrestimi i këtyre shtetasve u bë pasi shërbimet e Policisë kishin marrë informacion se dy persona të paidentifikuar po qarkullonin në qytetin e Durrësit dhe kishin armë zjarri me vete.

Shërbimet e Policisë, në kuadër të operacionit, kanë ndërhyrë menjëherë në vendin e quajtur Shkallnur, Durrës, duke bllokuar mjetin me të cilin udhëtonin dy shtetasit.

Gjatë kontrollit, shërbimet e Policisë gjetën dhe sekuestruan në cilësinë e provës materiale një armë zjarri pistoletë, me një karikator me 14 fishekë.

Materialet i kaluan Prokurorisë, për veprat penale ?Mbajtja pa leje e armëve dhe municionit luftarak? dhe “Moskallëzim krimi“?, njofton policia./CNA.al