web counter
LEXO PA REKLAMA!

SHKARKO APP

App Store
Google Play

Kontrolle të befasishme në Portin e Durrësit/ Sekuestrohen lëndë plasëse

25 Dhjetor 2021, 08:49, Kronika CNA

Policia kufitare e Portit të Durrësit ka shtuar kontrollet për parandalimin e tregtimit të paligjshëm të lëndëve piroteknike dhe fishekzjarreve.

Gjatë kontrollit, janë sekuestruar 2 kuti me lëndë plasëse dhe është proceduar penalisht poseduesi i tyre.

Në automjetin e shtetasit, B. P, janë gjetur 2 kuti me 180 fishekzjarrë me fuqi të lartë shpërthyese, të cilët janë sekuestruar në cilësinë e provës materiale.

?Kontrolle të shtuara nga Policia Kufitare e Portit të Durrësit, për parandalimin e futjes në vendin tonë dhe të tregtimit në mënyrë të paligjshme të lëndëve piroteknike dhe fishekzjarrëve.Si rezultat i kontrolleve janë sekuestruar 2 kuti me lëndë plasëse piroteknike. Procedohet penalisht poseduesi.

Në zbatim të detyrave të përcaktuara në planin e masave të ardhur nga Drejtoria e Përgjithshme e Policisë së Shtetit dhe në telegramin e Drejtorit të Përgjithshëm të Policisë, për intensifikimin e kontrolleve me qëllim parandalimin e futjes në vendin tonë nëpërmjet pikave të kalimit kufitar, dhe tregtimit në mënyrë të kundërligjshme të lëndëve piroteknike, shërbimet e Policisë Kufitare në Port Durrës kanë kaluar për kontroll në vijën e dytë, automjetin me drejtues shtetasin B. P. Gjatë kontrollit në mjet janë gjetur 2 kuti me 180 fishekzjarrë me fuqi të lartë shpërthyese, të cilët janë sekuestruar në cilësinë e provës materiale.

Në përfundim të veprimeve të para hetimore rë kryera nga specialistët për Hetimin e Krimit Ekonomiko-Financiar në DVP Durrës u procedua penalisht në gjendje të lirë, poseduesi i tyre, shtetasi B. P., 38 vjeç, banues në Dibër.

Materialet procedurale i kaluan Prokurorisë, për veprime të mëtejshme.Policia e Shtetit apelon për të gjithë personat që të mos tregtojnë lëndë piroteknike, pasi do të përballen me ligjin, dhe fton qytetarët që të denoncojnë në 112 e Komisariatin Dixhital, çdo paligjshmëri, duke iu garantuar anonimat të plotë dhe reagim të mënjëhereshëm e të paanshëm?, njofton policia./ CNA.al





Lajmet e fundit nga