web counter
LEXO PA REKLAMA!

SHKARKO APP

App Store
Google Play

E fundit!

x

Vodhi nën kërcënimin e thikës institucionin financiar/ Arrestohet autori

23 Dhjetor 2021, 08:57, Kronika CNA

27 vjeçari i cili disa ditë më parë ka vjedhur një shumë të konsiderueshëm parash në një institucion financiar nën kërcënimin e thikës ka rënë në prangat e policisë.

Burime zyrtare të policisë bëjnë me dije së në pranga ka rënë shtetasi J. B., banues në fshatin Sinë të Dibrës.

Njoftimi i Policisë:

Zbardhet ngjarja e ndodhur në një institucion financiar në qytetin e Peshkopisë, ku një shtetas mori një shumë të konsiderueshme parash, nën kërcënimin e thikës.

Policia identifikon, lokalizon dhe vë në pranga në kohë rekord, autorin e dyshuar të ngjarjes.

Strukturat hetimore të DVP Dibër, në bashkëpunim me Komisariatin e Policisë Dibër, në vijim të punës intensive për zbardhjen dhe dokumentimin e vjedhjes së ndodhur në datën 21.12.2021, në një institucion financiar në qytetin e Peshkopisë, bazuar dhe në informacione të grumbulluara në rrugë policore, bënë të mundur identifikimin e autorit të dyshuar të kësaj ngjarjeje.

Bazuar në informacionet e mara në rrugë operative nga strukturat hetimore të DVP Dibër u bë lokalizimi i vendndodhjes së autorit të dyshuar.

Falë bashkëpunimit me DVP Durrës u bë kapja dhe arrestimi i shtetasit J. B., 27 vjeç, banues në fshatin Sinë, Dibër.

Nga veprimet e kryera ka rezultuar se ky shtetas, i maskuar dhe nën kërcënimin e një mjeti prerës (thikë), ka marrë shumën 179.100 lekë të rinj në një institucion financiar.

Materialet procedurale i kaluan Prokurorisë, për veprime të mëtejshme./S.K-CNA.al





Lajmet e fundit nga