web counter
LEXO PA REKLAMA!

SHKARKO APP

App Store
Google Play

Gledis Nano “shkund” policinë nga droga/ Dhjetra efektivë, përdorues të lëndëve narkotike

7 Dhjetor 2021, 09:31, Kronika CNA

Urdhëri i Drejtorit të Përgjithshëm të Policisë Gledis Nano për kryerjen e testit të drogës nga uniformat blu, ka rezultuar fatal,

Fatal për përdoruesit e drogës në radhët e Policisë.

Pasi dhjetra efektivë policie kanë rezultuar pas testit, përdorues të lëndëve narkotike.

Deri më tani shifrat flasin se në kryeqytet kanë rezultuar të pakën mbi 25 efektivë të droguar, në Vlorë 15 efektivë dhe në Sarandë 3 efektivë policie.

Ndërsa në Elbasan, dy punonjëse policie kanë rezultuar përdoruese droge, të cilat më pas janë shkarkuar nga detyra.

Gjithashtu edhe në Shkodër përdorues droge janë konstatuar 11 efektivë policie.

Ende nuk ka shifra zyrtare nga policia,  por dyshohet se janë shumë më shumë përdorues droge në mes radhëve të Policisë, të cilët janë konfirmuar nga testi.

Aktualisht vijojnë testimet, ndërkohë që nuk mungojnë edhe pretendimet e policëve që testi i ka nxjerrë përdorues droge, se analizat nuk kanë qenë të sakta, apo se kanë përdorur ilaçe.

Kujtojmë se me 22 Nëntor, Drejtori i Policisë së Shtetit, Gledis Nano firmosI urdhrin që detyronte çdo efektiv policie në nivel vendor dhe qendror të bëjë testin e drogës.

Nano nënshkroi një marrëveshje bashkëpunimi me një laborator mjekësor privat për krijimin e mundësive për ekzaminimin mjekësor periodik të punonjësve të Policisë së Shtetit, në kuadër të rritjes së standardeve dhe integritetit personal, për të ndaluar përdorimin e lëndëve narkotike nga ana e tyre.

Por, edhe në ligjin për policinë është parashikuar që çdo efektiv t?i nënshtrohet testit të drogës.

Nano pas marrëveshjes me laboratorin mjekësor është shprehur se ka kryerja e testit periodik për përdorimin e lëndëve narkotike do të eliminojë akuzat e dashakeqësitë ndaj Policisë së Shtetit./E.S-CNA.al





Lajmet e fundit nga