Alarmi nga variantet e reja të Covid-19/ Tritan Kalo mesazh të fortë qytetarëve

2 Dhjetor 2021, 11:09, Lifestyle CNA

Mjeku infeksionist, profesor Tritan Kalo i ka drejtuar një mesazh të fortë qytetarëve, ndërsa pothuajse gjithë bota është në alarm nga rritja e të infektuarve me Covid-19, dhe variantet e reja të këtij virusi.

Në një postim në rrjetet sociale, Kalo shkruan se të gjitha variantet janë në thelb i njëjti virus jetëlëndues dhe jetëmarrës, ndaj të cilit duhet të vijojmë të jemi të VETNDËRGJEGJËSUAR në përballjen me këtë ?flamë mbarëbotërore??.

Po ashtu, ai apelon qytetarët që të mos neglizhojnë asnjë nga masat, ndërsa shkruan se ?Gjithçka e dobishme në përballjen me të (Maskë, Higjenë, Distancim dhe Vaksinim) NUK duhet nënvlerësuar, përkundrazi duhet vlersuar me shumë kujdes e besim në to??

Postimi i plotë i Tritan Kalos:

Kohë kovidiane?2.12.2021?Tetëmbëdhjetë muaj i ndajnë mes tyre fotot e mëposhtëme të bëra në mjediset e Shërbimit të Sëmundjeve Infektive, Covid-1 në QSUNT?.Pak ndryshime kanë sjellur ato në pamjen time, por edhe në atë të domates së vjelë në oborrin e pasëm të Infektivit, e cila ?më përshëndet? çdo mëngjes nga tavolina e punës, kur hy në zyrën time të vendosur aty në mesin e dhomave të të sëmurëve me Covid-19 të Pavjonit të parë?.

Doktori dhe Domatja i kanë rezistuar ?tallazeve? të këtyre 18 muajve, falë dashurisë e përpjekjeve për JETËN, por falë po ashtu edhe urimeve e bekimeve të marra?.Jetë e vënë në shërbim të ruajtjes së jetëve të të gjithë atyre që i kanë mirëbesuar Punës, Përkushtimit, Profesionalizmit e Përkujdesit tonë?Është një EKIP i tërë mantelbardhësh, infermjerësh, sanitaresh, imazheristësh, farmacistesh, koordinatoresh e punonjësesh të administratës, barrelmbajtësish, shoferësh, punonjësish të rendit, të cilët në 24/7 janë aty për JU dhe me JU?.

Variantet e virusit Sars-Cov2/Covid-19 që kanë qarkulluar këtu së pari nga Alfa, Kappa, Lambda, Delta apo së fundmi me shumë gjasa edhe Omikroni, janë në thelb i njëjti virus jetëlëndues dhe jetëmarrës, ndaj të cilit duhet të vijojmë të jemi të VETNDËRGJEGJËSUAR në përballjen me këtë ?flamë mbarëbotërore??.

Gjithçka e dobishme në përballjen me të (Maskë, Higjenë, Distancim dhe Vaksinim) NUK duhet nënvlerësuar, përkundrazi duhet vlersuar me shumë kujdes e besim në to? Ndër shekuj na është përçuar mesazhi hynor: ?Duaje dhe respektoje jetën tënde dhe jetën e tjetrit, që t?ju dojë e respektojë edhe vetë Perëndija??.ANDAJ DUANI DHE RESPEKTONI JETËT TUAJA, sepse JETA e çdonjërit prej nesh është e plotvlertë dhe e paçmimtë, për atë vetë, për familjen dhe për të gjithë Shqiptarinë?.Të vijojmë plot Mirëbesim dhe Mirëkuptim përpjekjet tona të përbashkëta në këtë ?luftë me armikun e padukshëm?, që nuku mundet kurrë të jetë i pamposhtshëm?.Çdo Pandemi ndër shekuj ka një fillim dhe një fund të sajë?.Together forever!!!

N.B.:#ripostimi bëhet vetëm me pëlqimin e shkruesit./CNA.al