Analiza zgjedhore fatale që fsheh Lulzim Basha

25 Nëntor 2021, 08:20, Politikë CNA

Ish-ministri i Drejtësisë në qeverinë ?Rama 1?, Ylli Manjani ka bërë një analizë të zgjedhjeve të fundit parlamentare.

Në një postim në rrjetet sociale, Manjani shkruan se kreu i PD-së, Lulzim Basha ka dështuar në mënyrë fatale.

?Në dy zgjedhjet politike në vend, 2017 dhe 2021, 51% e votuesve nuk kanë votuar qeverinë. Aq më pak qeverinë moniste.

Monizmi në mënyrën më paradoksale të mundshme është vendosur nga pakica ekektorale. Kujtoj se PS në të dy zgjedhjet politike, megjithë paratë e shpenzuara, përdorimin ekstrem të pushtetit për vota, me skemë patronazhimi etj mori vetëm 48.5% të votave. Pra më pak se gjysma e numrit total të votave.

Lulzim Basha dhe PD e tij nuk arriti të vihej në krye të shumicës elektorale në të dyja zgjedhjet. Dështoi në mënyrë fatale.

Më keq akoma, opozita e Bashës u bë barrierë për këtë shumicë elektorale që të përballej vetë me qeverinë moniste të pakicës.?-shkruan Manjani.

Më tej, ai thekson se me këtë llogjikë, Bashës nuk ia ka fajin ?blerja e votës? sikurse pretendon ai, apo e ashtuquajtura ?masakër zgjedhore?.

?Në këtë llogjikë, që bazohet në fakte reale jo opinione, Lulzim Bashës nuk i ka faj:

-as blerja e votës,

-as pjesmarrja e krimit në zgjedhje,

-as përdorimi i pushtetit për vota,

-as patronazhistët,

Nuk i ka faj as LSI, por veç vetja e vet.

Me këto instrumente PS ka kompensuar konsumin e vet në pushtet, por nuk ka arritur dot të blejë e as të imponojë shumicën elektorale.

Këtë shumicë dështoi ta menaxhonte Luli. Kushdo politikan do ta konsideronte shans të artë.

Por Ai dështoi! A e dështoi se sdi, apo se nuk do për mua ka pak rëndësi. Ky është përkufizimi i dështimit fatal. Dëmi që i sjell shoqërisë është i rëndë. Sepse përveç faturës së keqqeverisjes Luli si dështak politik kronik, i shton shoqërisë edhe kostot e mungesës së shpresës që vota vlen.?-shkruan ish-ministri.

Sipas Manjanit, fakt është se po votove Lulin megjithse je në shumicë, prap nuk fiton. Me Lulin në krye qeveris pakica moniste pa i hyrë gjëmb në këmbë.

?Kjo është analiza që Luli fsheh. E maskon me komisione parlamentare, nisma ligjore të tipit komunist dhe propagandë të blerë me paratë e buxhetit që i jepen PD.

Kjo është analizë faktesh e jo llafesh.?-përfundon postimin e tij Ylli Manjani./CNA.al