web counter
LEXO PA REKLAMA!

SHKARKO APP

App Store
Google Play

“Kuksianët në Kosovë me pasaportë vaksinimi”/ Mjeku: Të aplikohet edhe në Shqipëri

13 Nëntor 2021, 12:14, Aktualitet CNA

Drejtori i Njësisë Vendore të Kujdesit Shëndetësor Hasan Halili, shprehet se në Kukës deri më tani, janë aplikuar mbi 30 mijë vaksina, por pavarësisht mbulesës së mirë vaksinale shihet një tendencë në rritje e infektimeve.

?Aktualisht në Kukës janë 82 persona aktiv me covid-19. Situata nuk është e rëndë, është nën kontroll, por rastet e infektimit janë të përditshme. Bëjmë 40 tamponime në ditë dhe 10-15 për qind dalin pozitivë. 

Është dhe sezoni i gripit, dhe ka një tendencë rritje si të rasteve me covid-19 ashtu edhe të gripit stinor, por situata është nën kontroll. Vaksinimi ka ecur mirë, 30 mijë persona kanë bërë dozën e parë të vaksinës, ose ndryshe 60 për qind e popullsisë?, tha Halili për report TV.

Më tej ai u shpreh i shqetësuar sa i takon respektimit të masave antiCovid dhe u bëri thirrje qytetarëve të ndërgjegjësohen.

?Të jemi të sinqertë, ka vend për përmirësim sepse nuk zbatohen si duhet masat dhe kjo shihet dhe në lokale, ndaj u bëj thirrje qytetarëve të ndërgjegjësohen se vetëmbrojtja është arma më e fortë. 

Pajisja me dokument vaksinimi për lëvizjen e qytetarëve brenda e jashtë vendit është i domosdoshëm, duhet të pajisen të gjithë me pasaportë vaksinimi. Kuksianët sapo dalin në Kosovë paraqesin “green pass” pse nuk duhet ta paraqesin dokumentin edhe në ambiente publike brenda vendit?!?, tha Halili./CNA.al





Lajmet e fundit nga