web counter
LEXO PA REKLAMA!

SHKARKO APP

App Store
Google Play

E fundit!

x

Katar 2022/ Franca shënon 8 gola dhe kualifikohet në Botëror, Mali i Zi ndal Holandën

13 Nëntor 2021, 21:56, Sport CNA

Ndeshjet e sotme në kualifikueset e Botërorit 2022, kanë zbuluar emrat e dy skuadrave të tjera nga zona e Europës që kanë prerë biletën për në aktivitetin e vitit të ardhshëm. Franca dhe Belgjika u bashkohen Danimarkës dhe Gjermanisë, duke pritur tashmë të mësojnë emrat e ekipeve të tjera që u bashkohen.

Për francezët ka qenë gjithçka e thjeshtë kundër Kazakistanit. Mbape ishte i pandalshëm në këtë duel, duke tundur 4 herë rrjetën, ndërsa Benzema shtoi dy gola dhe Rabio e Grizman plotësuan fitoren mbresëlënëse që siguroi biletën për në Botëror pa pritur ndeshjen e fundit.

Edhe Belgjika nuk vuajti shumë përballë Estonisë, në një ndeshje të dominuar plotësisht e ku golat e Benteke, Karrasko e Torgen Hazard kthyen buzëqeshjen te skuadra e Martinez, e kritikuar që pas Europianit si një ekip i cili nuk arrin të shprehë potencialin në turne madhorë.

Por ndeshja më e rëndësishme e kësaj darke ishte padyshim ajo në Podgoricë mes Malit të Zi dhe Holandës. Skuadra e Van Gal ishte e ndërgjegjshme se me një fitore siguronte pjesëmarrjen matematikore në Botëror dhe gjithçka dukej në rrugën e duhur pas dy golave të Depaj.

Por në 10 minutat e fundit erdhi surpriza, pasi golat e Vukotiç dhe Vujnoviç, bënë që sfida të mbyllej në barazim 2-2. Kështu, në mënyrë të pabesueshme, Holanda mbetet përsëri në diskutim, pasi të martën do të përballet me Norvegjinë që mund t?i rrëmbejë vendin.

REZULTATET

Francë-Kazakistan 8-0
6? 12? 32?, 87? Mbape, 56? 59? Benzema, 75? Rabio, 84? (p) Grizman

Belgjikë-Estoni 3-1
11? Benteke, 53? Karrasko, 74? T. Hazard / 70? Sorga

Uells-Bjellorusi 5-1
3?, 50? Ramsej, 20? Uilliams, 77? Devis, 89? Roberts / 87? Kontsevoj

Mali i Zi-Holandë 2-2
82? Vukotiç, 86? Vujnoviç / 25?, 54? Depai





Lajmet e fundit nga