web counter
LEXO PA REKLAMA!

SHKARKO APP

App Store
Google Play

E fundit!

x

Dyfytyrësia e Bashës me FRPD/ Nga energjia dhe shpresa e së ardhmes, tek “armiqtë”

8 Nëntor 2021, 08:36, Politikë CNA

Kreu i përkohshëm në detyrë i Partisë Demokratike, Lulzim Basha ditët e fundit ka pasur një përplasje me një prej organizatave partnere të PD, më aktive.

Pas pjesëmarrjes masive të të rinjve në ?Foltoret? e ish-kryeministrit Sali Berisha, Basha i është kundërpërgjigjur në mënyrë hakmarrëse Forimit Rinor të Partisë Demokratike.

Basha po tenton të kapë FRPD-në dhe del e shpall zgjedhjet për kreun e këtij forumi, ndërkohë që statuti nuk ia lejon, pasi FRPD ka strukturat e saj.

Është e vërtetë që mandati i ka mbaruar, por që të shkohet në zgjedhje, një anëtar një votë, sikurse pretendon Basha, duhet të mblidhet Kuvendi, të ndryshohet statuti e pastaj të shpallet gara.

Por, meqë të rinjtë i janë bashkuar ?Foltores? së ish-kryeministrit, edhe këta duhen shpallur ?armiq?.

Por, çfarë mendonte Luli për FRPD, rreth një vit më parë?

Në shkurt të vitit 2020, edhe pse edhe në atë kohë ishte me mandat të përfunduar, për Lulzim Bashën ?FRPD ishte e ardhmja, rinia ishte shpresa?.

Në fillim të vitit 2020, FRPD është zgjedhur anëtar me të drejta të plota në forumin zyrtar studentor të Partisë Popullore Europiane, familjen e madhe të EDS.

Në lidhje me këtë lajm në atë kohë reagoi edhe Lulzim Basha, i cili në një postim në rrjetet sociale shkruante se kjo është një mundësi e bukur për çdo të ri shqiptar që dëshiron të jetë pjesë e rrjetit studentor europian.

?Përgëzime Forumit Rinor të PD për anëtarësimin me të drejta të plota në bashkimin studentor të Partisë Popullore Europiane, familjen e madhe të EDS. Kjo është një mundësi e bukur për çdo të ri shqiptar që dëshiron të jetë pjesë e rrjetit studentor europian me të drejta të plota. Të rinjtë janë shpresa, energjia dhe frymëzimi për të triumfuar mbi çdo pengesë e sfidë që kemi përpara. Sa më shumë mundësi për të rinjtë, aq më e mirë do të jetë e nesërmja. Krenar per FRPD, krenar për të rinjtë dhe të rejat e mekullueshme shqiptare!?-shkruante Lulzim Basha.

Por, tani edhe të rinjtë, ata që dikur ishin shpresa dhe energjia, sot janë bërë ?armiq? të Lulzim Bashës./CNA.al





Lajmet e fundit nga