“Hakmarrës dhe i çoroditur”/ Spaho paralajmëron Bashën: Sot do marrësh përgjigjen

7 Nëntor 2021, 10:25, Politikë CNA

Ish-nënkryetari i Partisë Demokratike, Edmond Spaho ka reaguar ashpër ndaj Lulzim Bashës, pas përplasjeve që ky I fundit ka pasur me FRPD-në.

Në një prononcim për gazetaren e CNA.al, Elisjeda Kiko, Spaho është shprehur se Basha është hakmarrës dhe veprimet e tij I ndërmerr me arrogancë dhe të pambështetura në asnjë normë partiake.

Po ashtu, Spaho ka theksuar se pas Ramiz Alisë, Basha do kujtohet në histori si njeriu që fillon betejë me rininë.

Më tej Spaho paralajmëroi Bashën, se sot do të marrë përgjigjen që meriton nga rinia demokrate, e cila do jetë në “Foltoren” e Berishës.

?Nuk është hera e parë që Basha ndërmerr veprime individuale, me arrogance, të pa mbeshtetura në asnjë normë partiake dhe për hakmarrje.

E gjithë historia e tij në PD flet vetëm për vendime individuale të cilat ja imponon anëtarësisë dhe organeve drejtuese, me kosto të madhe politike për të sotmen dhe të ardhmen e PD.

Kulmi i vendimeve individuale dhe imponimit në PD ishte përjashtimi i Z. Berisha nga Grupi Parlamentar pa asnjë provë dhe fakt, në kushtet kur ai vetë është shprehur publikisht që Berisha është i pafajshëm.

I coroditur në veprimet e tij, i rrethuar nga të gjitha anët nga demokratët e zemëruar, i izoluar dhe i mbështetur vetëm nga lëpiresat, i ka hyrë rrugës së përjashtimeve.

Pasi përjashtoi disa individë me reputacion në PD, po futet në fazën e uzurpimit tëorganizatave partnere.

Shpall zgjedhje të reja në FRPD dhe LDG në kushtet kur nuk ka asnjë autoritet ta bëjë këtë gjë pasi këto dy organizata drejtohen nga statutet e tyre, kryetarët dhe kryesitë e FRPD dhe LDG.

Basha do te kujtohet në histori si i vetmi pas Ramiz Alisë që fillon betejë me të rinjte e Shqipërisë. Të rinjtë e Shqipërisë do i tregojnë Bashës sot në ora 12.00 që ata janë me ?Foltoren? dhe Sali Berishen sepse duan një PD që të luftojë dhe fitojë për qytetarët shqiptarë dhe jo një PD vegël të Edi Ramës dhe interesave meskine e personale të Bashës.

Pavarësisht intrigave që përpiqet të bëjë, Basha fundin e ka të sigurtë. Jo vetëm nga ?Foltorja? dhe neveria që ka shkaktuar midis demokratëve, por pas ditës së sotme edhe nga urrejtja që kanë të rinjtë, djemtë e vajzat, nënat dhe motrat për të dhe gjendjen ku e ka katandisur PD.?-deklaroi Edmond Spaho, për CNA.al.