web counter
LEXO PA REKLAMA!

SHKARKO APP

App Store
Google Play

E fundit!

x

Skuadra e madhe europiane mund të transferojë Marash Kumbullën në janar

4 Nëntor 2021, 07:10, Sport CNA

Humbja e thellë në Norvegji i dha Zhoze Mourinjos justifikimin e përsosur për të vënë në dukje disa nga lojtarët e tij që nuk i sheh në planet e së ardhmes. Një ndër futbollistët e ndëshkuar ishte dhe mbrojtësi i Kombëtares, Marash Kumbulla.

21-vjeçari u la në tribunë në sfidën që Roma luajti ndaj Napolit, por u thirr përsëri nga Murinjo shkak mungesat e shumta në mbrojtje. Megjithatë, nuk përjashtohet një largim i Kumbullës nga verdhekuqtë pasi hapësirat që portugezi i jep shqiptarit janë të pakta.

Sipas ??EstadioDeportivo??, skuadra e Sevijës është vënë në ndjekje të Marasha Kumbullës dhe po shikon me kujdes situatën e tij aktuale. Drejtori sportiv i andaluzianëve, Monki është italian dhe e njeh mjaft mirë Serinë A.

Problemi qëndron te çmimi i Kumbullës pasi Roma ka shpenzuar plot 26 milionë euro për shqiptarin. Aktualisht vlera e kartonit të Kumbullës qëndron 22 milionë euro, dhe kjo e bën më të vështirë operacionin për tu finalizuar.

Nga ana tjetër, një kalim i Kumbullës te skuadra e La Liga-s do të ishte hap i madh, pasi Sevija është skuadër rekordmene në Europë duke fituar 6 herë në historinë e saj Ligën e Europës.





Lajmet e fundit nga