E fundit!

19:00 Aktualitet

Vendimi për Ikballe Berishën/ Lamallari jep detaje: Informacione nga inteligjenca, ka edhe urdhër dëbimi

Ministri i Punëve të Brendshme, Besfort Lamallari, ndau so...

Bayerni i frikshëm, “makineria” që tremb gjithë Europën

26 Tetor 2021, 08:55, Sport CNA

?Shënuam katër gola dhe e gjithë bota u dëfrye?. Ishin këto fjalët e Robert Lewnadowskit pas fitores 4-0 ndaj Hoffenheimit, në Bundesligë. Në fakt, e njëjta gjë kishte ndodhur edhe në ndeshjen e Championsit kundër Benficas apo një javë më parë në kampionatin gjerman kundër Bayer Leverkusenit.

Bayerni është një rul që i shtyp me gjithë forcë të gjithë rivalët që i dalin përpara, me ndonjë përjashtim të rrallë. Përfaqëson ekipin tipik gjerman, filozofinë e një skuadre që nuk dorëzohet e as toleron në fushë.

Nga fitorja në fitore, futbollistët e drejtuar nga Julian Nagelsmann mund të shënojnë katër, pesë? aq gola sa duan. Deri në këto momente, asnjë ekip në ligat kryesore europiane nuk i afrohet rekordit të kampionëve në fuqi të Bundesligës. Në 12 ndeshje mes Bundesligës dhe Championsit kanë shënuar 45 gola. Mesatarisht 3.7 gola për ndeshje.

Skuadrat kryesuese në kampionatet elitare

LaLiga/Real Madrid: 24 gola në 9 ndeshje

Premier League/Liverpool: 27 gola në 9 ndeshje

Bundesliga/Bayern Munich: 33 gola në 9 ndeshje

Serie A/Inter Milan: 24 gola në 9 ndeshje

Ligue 1/PSG: 24 gola në 11 ndeshje

Deri më tani, asnjë ekip nuk ka arritur të shënojë 33 gola në nëntë ndeshjet e para në kampionatet respektive. Fitorja më e thellë e Bayernit në kampionat është arritur ndaj Bochumit, 7-0. Një fakt për të kuptuar aftësinë shënuese të ekipit bavarez mjafton të kujtojmë që në 56 ndeshjet e fundit të Bundesligës ata kanë shënuar gjithsej 174 gola.

Fillimi i sezonit të Bayernit është me një ritëm të shfrenuar. Pengesat e vetme ishin Gladbachu, me të cilin barazoi në ndeshjen e parë të kampionatit (1-1) dhe Eintrachti i Frankfurit, që e mposhti 1-2 ?Allianz Arena?. Të tjerat janë vetëm fitore.

Lewandowski, një nga kandidatët për Topin e Artë, po tregon arsyen e nominimit të tij. Fitoi Këpucën e Artë sezonin e kaluar me 41 gola, duke thyer rekordin e Gerd Mullerit (40 gola) për numrin e golave gjatë një sezoni në kampionat.

Në sezonin aktual ka arritur kuotën e 17 finalizimeve në vetëm 13 ndeshje në të gjitha garat, me një mesatare prej 1.30 gola për ndeshje.