web counter
LEXO PA REKLAMA!

SHKARKO APP

App Store
Google Play

Video/ Longo fiton duelin me Brdariç, Kukësi i shkakton humbjen e parë Vllaznisë

24 Tetor 2021, 13:45, Sport CNA

Ashtu si sezonin e kaluar, është sërish Kukësi që i shkakton humbjen e parë Vllaznisë dhe e bën këtë duke triumfuar me shifrat 2-0 në ?Egnatia Arena?. Një supergol i Shqipërim Taipit në pjesën e parë dhe një tjetër me fat i Ndrecës në të dytën, u dhanë tre pikët verilindorëve, që ngjiten kështu në kuotën e 11 pikëve.

Pritej spektakël nga dy prej skuadrave me sulmin më të mirë të 5 javëve të para, megjithatë e kishte përgatitur më mirë ndeshjen tekniku Longo, që kishte hedhur në fushë një skuadër më të ekuilibruar, ndërsa shkodranët vuajtën shumë lidhjen e reparteve, për shkak edhe të mungesës së Krymit.

Krahas humbjes, Vllaznia del jo pak e dëmtuar, pasi nuk do të ketë shërbimet e kapitenit Gurishta për ndeshjen e ardhshme ndaj Tiranës, por edhe mesfushorin Mustedanagic, të dy të pezulluar.

 

82? GOOOOOOOOL KUKËSI 2-0! Verilindorët dyfishojnë shifrat pas një goditje të menjëhershme të Edison Ndrecës i cili shënon golin e dytë të takimit.

29? GOOOOOOOL KUKËSI 1-0! Zhbllokohet sfida, Shqiprim Taipi realizon një supergol nga distanca teksa e ka dërguar topin në trekëndëshim e mbrojtur nga portieri Zogoviç.

 





Lajmet e fundit nga