web counter
LEXO PA REKLAMA!

SHKARKO APP

App Store
Google Play

Doza e tretë dhe vaksinimi i fëmijëve/ Komiteti i ekspertëve zbardh masat anti-covid

22 Tetor 2021, 12:22, Lifestyle CNA

Komiteti i Ekspertëve,  ka përsëritur thirrjen për tu vaksinuar, veçanërisht kategoritë e përcaktuara si studentët.

Sipas zëvendës ministres së Shëndetësisë Mira Rakacolli, indikatorët monitorues të kësaj situate mbeten pak a shumë në të njëjtin nivel si dy javë më parë dhe ndonëse ka një përkeqësim të lehtë nuk do ketë ndryshim masash.

Komiteti vendosi vaksinimin me dozën e tretë për personat mbi 60 vjeç dhe 6 muaj distancë nga doza e dytë.

Gjithashtu do të ftohen fëmijët mbi 16 vjeç dhe mbi 12 vjeç me problematika shëndetësore për t?u vaksinuar.

?Duam të sjellim në vëmendje vaksinimin, në mënyrë të vazhueshëm në të gjitha grupet e përcaktura, te cilave ju bëjmë thirrje të vaksinohen. Është e rëndeshishme respektimi i masave-mbajtja e maskave në ambjente të mbyllura, distancimi si edhe shume e rëndësishëm është informimi nga burime zyrtarë.

Duke u bazuar në analizën e situatës komiteti i ekspertëve mendon që me gjithë këtë përkeqësim niveli i masave shtrënguese të mbetet i njëjtë. Komiteti tërheq vëmendjen në zbatimin me rigorozitet të masave. Një vendim ka qenë dhe shqyrtimi i vendimeve të komitetit të ekspertëve të vaksinimit.

Në këtë situatë prioritet mbulimi me dozën e parë dhe të dytë të vaksinës.

Qytetarët mbi 60 vjeç të bëjnë dozën e tretë të vaksinës, jo më herët nga doza e dytë sipas udhëzimeve të ISHP duke nisur nga 1 nëntori. Fëmijët mbi 16 vjeç do të ftohen për t?u vaksinuar me lejen e prindit dhe rekomandimin e pediatrit duke filluar nga 1 nëntori. Do ftojmë për vaksinimi dhe fëmijët mbi 12 vjeç që paraqesin problematika shëndetësore,?, tha numri dy i MSH-së, Mira Rakacolli./CNA.al





Lajmet e fundit nga