web counter
LEXO PA REKLAMA!

SHKARKO APP

App Store
Google Play

Ansu Fati në gjurmët e Leo Messit, statistikat e 18-vjeçarit më të mira se të argjentinasit

18 Tetor 2021, 10:25, Sport CNA

Ansu Fati si Leo Messi. Është kjo kryefjala e momentit në Barcelonë, me talentin 18- vjeçar i cili është rikthyer më i fortë, duke lënë pas dëmtimin, por edhe duke udhëhequr skuadrën drejt suksesit.

Mbrëmjen e të dielës, Ansu ishte protagonist në përmbysjen e katalanasve ndaj Valencias, duke gjetur rrugën e rrjetës, për një gol historik në aspektin personal, sepse tashmë Ansu Fati është në librin e rekordeve te Barcelona, madje duke lënë pas edhe Messi-n.

Sulmuesi spanjoll shënoi golin e 13-të me Barcelonën në La Liga, duke u bërë i vetmi lojtar i cili ka shënuar një shifër të tillë përpara se të fetojë 19 vjetorin.

Fati parakaloi ne ?Camp Nou?, spanjollin tjetër, Bojan Krkic, i cili kryesonte këtë listë me 12 gola, ndërsa në vendin e fudnit të podiumit  është Messi me  7 gola.

Ansu Fati debutoi me ekipin e parë, në sezonin 2019-2020, duke shënuar golin e parë në sfidën përballë Osasunës, në  31 gushtin e 2019-së, ndërsa në atë sezon luajti 1024 minuta dhe shënoi në total 7 gola, ndërsa në edicionin e kalaur luajti vetëm 437 minuta dhe shënoi 4 gola, njërin prej tyre në ?El Classico?.

Dëmtimi i sezonit kaluar ndikoi në formën e lojtarit, i cili me rendimentin e treguar i kishte të gjithë përbërsit e duhur për ta thelluar këtë shifër, ndërsa tani rikthimi i tij shihet si një pikë kthese për të gjithë klubin. Goli ndaj Valencias ishte i dyti, pas atij të Levantes në shtator dhe tashmë e gjithë vemendja është spostuar për takimin e 24 tetorit, përballë Real Madrid.

Në fundin e takimit, tekniku Koeman foli me superlativa për talentin spanjoll duke theksuar vazhdimisht se rikthimi i 18-vjecarit është shumë i rëndësishëm dhe se potencali i tij i kishte munguar skuadrës, e sidomos në një moment të tillë.





Lajmet e fundit nga