E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Unë jam llum”/ Paralajmërimi i fortë për Bashën: Lumi im do jetë llavë vullkani

12 Tetor 2021, 12:43, Politikë CNA

Drejtuesi i degës 4 të PD, në Tiranë, Mark Uka ka reaguar pas deklaratës së Lulzim Bashës, i cili iu drejtua me fjalët ?llum?, disa personave që sipas tij kanë përfituar në kurriz të PD.

Në një postim në rrjetet sociale, Mark Uka kujton kohën kur Lulzim Basha është future në PD, në vitin 2005.

Ai thekson se në atë kohë, Basha ishte askushi, ndërsa në vitin 2011, ishin demokratët që e bënë kryetar të Bashkisë së Tiranës.

Po ashtu, ai i kujton edhe ndihmën e Arben Ristani, në atë kohë Kryetar i Komisionit Qendror të Zgjedhjeve.

?A jam unë llum ?

Po unë jam llum.

Se të takova për herë të parë në një koktej që organizove me shtabet elektorale të degëve të Tiranës në vitin 2005.

Kishe ardhur nga Kosova, ishe përfshire te “KOP “, kishe deklaruar 800 mijë euro, të mjaftueshme për atë kohë për të na paguar nje koktej, për tu vetëprezantuar, se ishe askushi.

Po jam llum se në vitin 2011, kandidove për Kryetar të Bashkisë Tiranë, e në ate kohë mu caktua të drejtoj fushatën në strukturen e 11 qendrave të votimit .

Rezultati që arritëm me bashkëpuntorët ishte spektakolar.

Para se të fillonim fushatën rezultati i këtyre qendrave kishte qënë 178 vota minus në total e në arritem të përmbysim këtë rezultat dhe të marrim 686 vota plus.

A e mban mend atë minus 10 e votave të famshme ( rrofte Ristan mosmirënjohësi ).

E për këto nuk pata kenaqësinë të kem një fjale të vetme mirënjohje, ndaj e meritoj e jam llum.

Në kohen kur kandidove për Kryetar partie përballë të ndjerit Sokol, unë dola hapur kunder teje edhe pse punonim në të njëjtin Institucion ku ti ishe drejtuesi.

Kot nuk thonë, ” që të njohësh një njeri duhet të punosh ose të kesh kryer ushtrinë me të “.

Nejse këtu është histori tjetër.

Dhe bëmat e mija vazhdojnë.?-shkruan Mark Uka.

Më tej, ai numëron dështimet e Lulzim Bashës, që fillojnë sipas tij në 2017, me çadrën e për të cilën thotë se ishte ?çadër morti?, dhe që u finalizua me një marrëveshjes mes Ramës dhe Bashës.

?Isha pjesëtar i Republikes së Shqiperisë e në fillim të vitit 2017 më bërë pjesëtar të Republikes së Re.

Më ftove 90 dite ne ” Çadren e Lirise “, kalova 17 nete ne ate çader i ulur ne stola druri, duke ngrënë fara luledielli, ne mes te ftohtit, e dëgjuar ligjërimet Tuaja prej triumfatori.

Ajo nuk ishte çadra e lirisë, ajo ishte një tendë morti.

Më nxore nga tenda e më the se ne fituam.

Në fakt ti fitove marrëveshjen e 17 majit me të cilen 800 euroshin e vitit 2005, e din ti se sa e shumëfishove.

Ndaj për këtë mirë e ke e meritoj të quhem llum.

Të mbështeta në fushaten e 2017 -ës, u përpoqa shumë po kësaj here pa rezultat, se dëmin e kishe bërë natën e marrëveshjes e s’kishte doktor që na shpëtonte.

Rezultati ishte i qartë.

Punësove ne parlament disa zvarranikë që edhe sot i ke të punesuar akoma aty, për të vegjetuar e bërë ty fresk.

Po unë jam llumi.

Bojkotove Parlamentin e këtu vendose drejtësi, se njëlloj si unë edhe zvarranikët i nxore në rrugë të madhe e ndërkohë punësove, Gjuzet e Jenishert.

Bojkotove Reformen Territoriale, e Zgjedhjet e Pushtetit Vendor, më bëre thirrje për luftë civile, për të prishur fizikisht proçesin e votimit, për tu perballur fizikisht me komshinjtë me të cilët ndaj të mirat e të këqijat në ditë të vështira.

Edhe për këtë unë jam llum.

Ju përgjigja vazhdimisht thirrjeve Tuaja në protesta, për të bërë xhiro përqark Parlamentit, Kryeministrisë, Drejtorive të Policisë.

Në ditë me shi e diell, u ngopa me gaz kimik sa dëmi në shëndet rezulton të jetë i madh.

Ju përgjigja thirrjeve Tuaja për protesta te Teatri dhe Unaza e Re.

Edhe këtu nuk patëm rezultat, përjashto dy marrëveshje me shkrim me grupet e interesit, efekti i të cilave pati fatin e 6 pikave për pandeminë dhe 7 pikave për tejkalimin e krizës së rritjes së çmimeve.

Kujto shtate herë shtatë bëjnë dyzet e dy.

Me përfshive në një proçes, ku shtrove pyetjen ne zonen time elektorale se ” për cilin prej jush, Mark Uka është i pa dëshirueshem ” ?

Rezultoj se për fat tendin të keq isha i dëshirueshmi.

Asnjehere nuk komunikove me mua as dhe me koleget e mi te perfshire në këte proçes lidhur me përgjigjen që more për pyetjen që u kishe bërë anëtarësisë të PD në Degën 4 Tiranë.

Rezultati ? Na solle kandidat për deputet njerëz të pa votuar nga baza, të pa identitet, pa eksperiencë politike, të cilët silleshin nëpër rrugicat e lagjes si njerëz që kanë humbur rrugën.

E megjithë këto unë drejtova një grupseksion ku arritëm të marrim dyfishin e rezultatit të vitit 2017, në një territor gjeografik, ku për nga prefetencat pilitike, konsiderohet si ” Stalingradi i degës 4 “.

Në oren 20 të dates 25 prill më deklarove se ne i fituam zgjedhjet, u gëzova pa masë, por në të gdhirë të dites tjetër, deklatata Juaj më rezultoi e gënjeshtërt.?-thekson Mark Uka.

Po ashtu, ai paralajmëron Lulzim Bashën se ?do të shihen shumë shpejt?.

?Për të gjitha këto e meritoj dhe jam llum.

Të falenderoj shumë për mirenjohjen dhe të premtoj se sa te jem gjalle e të kem fuqi do të punoj që lumi im të kthehet në llavë vullkani për të dhënë atë që të takon.

Shihemi shpejt o “qelibari i partisë, o yll në ngjitje “.?-përfundon postimin e tij Mark Uka./CNA.al