web counter
LEXO PA REKLAMA!

SHKARKO APP

App Store
Google Play

Turizmi hapsinor/ Së shpejti udhëtime në stratosferë dhe fluturime komerçiale

6 Tetor 2021, 07:41, Kuriozitete CNA

Një firmë e turizmit hapësinor thotë se do të jetë në gjendje të dërgojë njerëz në stratosferë për vizitë me një balonë, deri në vitin 2024, por një vend i vetëm i prenotuar në fluturimin komercial do të kushtojë 36,700 £ (50,000 dollarë).

Sipas Daily Mail, ?World View Enterprises? po punon në sistemin e bazuar veçanërisht për balona në Tucson, Arizona, ku thotë se do të jenë në gjëndje të marrin njerëz deri në një lartësi prej 100,000ft ose 18 milje.

Kjo është disi larg nga lartësia 50 milje që NASA e konsideron hapësirë, por ?World View? thotë se udhëtarët e saj do të shohin lakimin e Tokës dhe errësirën e hapësirës.

Udhëtimet pritet të zgjasin rreth gjashtë deri në tetë orë, por ata planifikojnë të ofrojnë gjithashtu një aventurë pesë -ditore ku udhëtarët mund të fluturojnë mbi monumentet historike si ?Reefin e Madh?, ?Piramidat e Gizës? dhe monumentet e tjera.

Secila nga kapsulat që i çon njerëzit në stratosferë do të jetë në gjendje të transportojë tetë pasagjerë, dhe udhëtimi përshkruhet të jetë “i qetë dhe i butë”, shkruan CNA.al.

Ndryshe nga opsionet e tjera të turizmit hapësinor, të tilla si ?Virgin Galactic? dhe ?Blue Origin?, i cili përfshin disa udhëtime me raketa dhe forca g, ?World View? thotë se opsioni i tij i përshtatet të gjitha moshave dhe niveleve të peshës.

Firma thotë se udhëtimi në stratosferë do të ishte një ngjitje e butë, duke përfunduar në një pamje të kurbës së Tokës./CNA.al





Lajmet e fundit nga