web counter
LEXO PA REKLAMA!

SHKARKO APP

App Store
Google Play

Një avion i vogël privat kryen ulje të detyruar në Vermosh/ “Zhduken” piloti dhe pasagjeri

4 Tetor 2021, 11:01, Kronika CNA

Një avion i vogël privat ka kryer ulje të detyruar paraditen e sotme në Vermosh.

Mësohet se avioni ka pësuar defekt në ajër dhe ka bërë ulje të detyruar në livadhet e Vermoshit.

Nga informacionet paraprake në avionin e vogël privat ka qenë piloti dhe një pasagjer, të cilët janë larguar me shpejtësi me një mjet privat.

Ndërkohë, Prek Vata, kryeplak i Kelmendit, në një prononcim për report tv, tha se personat në fjalë nuk kanë lejuar barinjtë dhe banorë të zonës t?iu afrohen.

Ai gjithashtu tha se pas rrëzimit në këtë zonë, piloti ka tentuar të ringrihet në ajër, por nuk ia ka dalë.

Dhe më pas ka ardhur i ka marrë një mjet privat.

“Është ulur avioni, ka tentuar që të ngrihet sërish. Sipas asaj që kanë parë barinjtë, duket se ka pësuar defekt, ka rënë në një gardh dhe shtyll pishe, ka ardhur një makinë dhe i ka marrë ato dy personat, ka dhe shenjat e policisë. Policia është në dijeni, nuk ka shtëpia afër këtu, barinj që kanë tokën këtu. Nuk i kanë lënë barinjtë që t’u afrohen. Ka pasur edhe kontrolle per kultivim të kanabisit në këtë zonë”, tha ai./CNA.al





Lajmet e fundit nga