E fundit!

10:29 Politikë

Vrasja e efektivit në Maliq/ Kuvendi mban 1 minutë heshtje

Kuvendi i Shqipërisë ka nisur seancën e sotme duke mbajtur...

“Sukseset” qesharake të Policisë/ Në gjumë dhe e gjunjëzuar para krimit

24 Shtator 2021, 07:15, Aktualitet CNA

Krimi ?godet? çdo ditë, ndërkohë që Policia trumbeton suksese, arritje dhe fitore, kur sekuestron ndonjë gram hashash, apo kur kap ndonjë pushkë në zona të thella ndonjë, banori që sipas të gjitha gjasave e ka ?spiunuar? ndonjë bashkëfshatar.

Njoftimet e Policisë, dërguar mediave janë qesharake dhe njëherësh qesharake është ti bësh publike.

Policia e ka për detyrë të vërë rend dhe qetësi, të godasë krimin, para se të reklamohet për kapjen e një pushke apo ndonjë grami hashash.

Sigurisht që edhe mbajtja e një arme pa leje apo shitja e lëndës narkotike është e kundërligjshme dhe policia duhet të veprojë, por në një kohë kur krimi është ulur këmbëkryq, vrasjet janë bërë normale, dhuna në familje po rritet çdo ditë e më shumë, policia trumbeton ?sukseset? qesharake.

Mëngjesin e sotëm, policia ka njoftuar se ka arrestuar një 51 vjeçar nga një fshat i Kukësit, se kishte një pushkë dhe dylbi.

Në zonat e thella malorre banorët mbajnë armë edhe për shkak të kafshëve të egra që në dimër zbresin në fshat dhe i sulmojnë, pavarësit se arma pa leje nuk lejohet.

?Vihet në pranga 51-vjeçari që mbante armë zjarri dhe municion luftarak në banesë.

Sekuestrohet një armë zjarri tip pushkë dhe municion luftarak.

Shërbimet e Komisariatit të Policisë Kukës, në vijim të punës për evidentimin dhe goditjen e paligjshmërisë në fushën e armëmbajtjes pa leje, në bazë të informacioneve të siguruara në rrugë operative, arrestuan në flagrancë shtetasin A. D., 51 vjeç, banues në fshatin Tejmoll.

Gjatë kontrollit të ushtruar në banesën e tij, shërbimet e Policisë gjetën dhe sekuestruan në cilësinë e provës materiale një armë zjarri tip pushkë, një sasi municioni luftarak dhe një palë dylbi?, thuhet në njoftimin e Policisë.

Në një kohë që çdo ditë raportohen vrasje, plumbat vërshojnë rrugëve, merren pengje e dhunohen gra, por Policia është shumë e zënë me ?sukseset? e saj për të parandaluar krimet e rënda./CNA.al