E fundit!

08:42 Politikë

Mblidhet sot Këshilli Kombëtar i PD-së/ Pritet zgjedhja e Sekretarit të Përgjithshëm, nënkryetarëve dhe strukturave

Partia Demokratike vijon procesin e riorganizimit të brend...

Debatet në PS-në e Shkodrës/ Alibeaj: Rama bleu votat me kriminelë për pushtetin e miqve të tij

23 Shtator 2021, 15:07, Politikë CNA

Nënkryetari i Partisë Demokratike, Enkelejd Alibeaj, ka reaguar pas përplasjeve për çështjen e punësimeve në mbledhjen e Partisë Socialiste me strukturat në Shkodër.

Alibeaj shkruan në rrjetet sociale se modeli i ndërtuar nga kryeministri Edi Rama po përhapet si një tumor në indet e partisë që ai sundon dhe ai po shtrihet në gjithë aparatin shtetëror.

Më tej Alibeaj thekson se Rama bleu votat e zgjedhjeve të 25 prillit, për të ndarë pushtetin me miqtë e tij.

“Për Partinë Demokratike, ndarja e politikës nga krimi është një prioritet kombëtar. Prej kohësh, me fakte dhe prova, kemi paralajmëruar se si modeli i ndërtuar nga Edi Rama po përhapet si një tumor në indet e partisë që ai sundon dhe metastazat shtrihen në gjithë aparatin shtetëror.

Debatet e publikuara në media nga mbledhja e PS-së së Shkodrës, konfirmojnë se pushteti i rrëmbyer me masakrën zgjedhore në bashkëpunim me krimin, nuk i përket qytetarëve, as socialistëve, por ortakëve të Edi Ramës që blenë vota, shantazhuan, dhunuan, dhe në këmbim marrin kontrollin mbi ato institucione që i shërbejnë më mirë interesave të tyre kriminale.

Këto rrëfime janë prova më e qartë se si partneriteti i pakicës plaçkitëse Rama, Doshi, Rakipi, funksionin si një PPP korruptive dhe kriminale, në kurriz të familjeve shqiptare. Pak ditë më parë ata bashkuan mandatet e vjedhura për të konfirmuar ortakërinë e tyre parlamentare, jo për të zgjidhur çështjen e papunësisë, gjendjen e rëndë ekonomike apo korrupsionin që cënon të ardhmen e Shqipërisë, por për të nginjur babëzinë e tyre në dëm të qytetarëve.

Përballja me këtë model është detyrë imperative për Partinë Demokratike dhe për shoqërinë shqiptare, sepse ç?kapja e shtetit nga krimi dhe korrupsioni janë e vetmja mënyrë për t?u dhënë fëmijëve tanë një të ardhme më të mirë”, shkruan Alibeaj./ CNA.al