web counter
LEXO PA REKLAMA!

SHKARKO APP

App Store
Google Play

E fundit!

x

Foto-Video/ Ermal Meta koncert në Tiranë, elektrizon skenën në “Air Albania”

17 Shtator 2021, 20:48, Lifestyle CNA

Këngëtari shqiptar me famë ndërkombëtare, Ermal Meta ka elektrizuar qiellin e Tiranës mbrëmjen e sotme. Ai është mirëpritur nga qindra qytetarë, në stadiumin ?Air Albania?, në të cilin është mbajtur edhe koncerti i tij.

Ermali ka zgjedhur të këndojë për publikun shqiptar disa nga hitet e tij më të pëlqyera, të cilat janë pritur me shumë duartrokitje e brohorima.

Nga pamjet në video shihen qindra qytetarë që kanë kërcyer dhe që kanë ndezuar atmosferën duke kënduar bashkë me të.

Ndërkohë në koncert ka pasur edhe shumë personazhe të njohur që kanë shijuar magjinë e zërit të tij, siç është Inva Mula.

Kjo është hera e tretë që Meta jep koncert në Tiranë. Një ditë më parë ai është shprehur shumë i emocionuar dhe ka thnë se ky do të jetë koncerti më i miri i jetës së tij.

?Është një nder shumë i madh për mua, hera e 3 që bëj koncert këtu dhe sa herë vij më duket si hera e parë sikur nuk kam bërë kurrë një koncert, po dridhem sot imagjinoni nesër. Nesër do mundohem të bëj koncertin më të mirë në jetën time. Është hera e parë që bëj koncert në një stadium dhe të gjitha energjitë do i shkrijë mbi skenë?, është shprehur këngëtari i famshëm./ CNA.al





Lajmet e fundit nga