web counter
LEXO PA REKLAMA!

SHKARKO APP

App Store
Google Play

E fundit!

x

Rama i jep medalje Kancelares gjermane, Angela Merkel

14 Shtator 2021, 11:20, Politikë CNA

Sot është mbajtur ceremonia e pritjes së kancelares gjermane Angela Merkel, në Pallatin e Brigadave në Tiranë, nga kryeministri Edi Rama.

Gjatë pritjes në Pallatin e Brigadave, kryeministri Edi Rama e ka nderuar Kancelaren gjermane Angela Merkel me ‘Ylli i mirënjohjes publike’. Vetë Kancelarja tha se ndihet e vlerësuar dhe shprehet e kënaqur që ka bashkëpunuar me Ramën.

“Ky është ylli i mirënjohjes dhe ky këtu është simboli i Heroit tonë Kombëtar, Skënderbeut, i cili e mbrojti Shqipërinë nga pushtimi e u mbiquajt edhe ?atleti i Krishtit?, si mbrojtës krishterimit. Kështu që mendoj se ju detyrohemi për këtë. Nuk do të mbaj fjalim këtu, se di që ju nuk para i duroni ceremonitë, ndaj vetëm le të mjaftohemi me foton”, tha Rama.

“Ju falemnderit shumë, jam e vetëdijshme se është një nder i madh dhe ishte gjë e mirë për mua të punoja së bashku me ju”, tha Merkel.

Kancelarja gjermane pritet të zhvillojë takime me liderët e Ballkanit Perëndimor.

Në takim do të diskutohen çështjet e bashkëpunimit rajonal, ku janë planifikuar bisedime kokë më kokë me krerët e qeverive të Kosovës, Bosnje dhe Hercegovinës, Serbisë, Malit të Zi dhe Maqedonisë së Veriut. Vizita e Merkel vjen në kuadër të procesit të Berlinit.

Në përfundim të këtyre takime do të ketë një konferencë për shtyp mes Kryeministrit Rama dhe Kancelares Merkel./ CNA.al





10:44 Politikë

Merkel në Tiranë

Kancelarja gjermane Angela Merkel qëndron të martën për disa...

Lajmet e fundit nga