web counter
LEXO PA REKLAMA!

SHKARKO APP

App Store
Google Play

E fundit!

x

Mblidhet Kuvendi/ Lulieta Bozo hap seancën e parë të këtij sesioni

10 Shtator 2021, 08:14, Politikë CNA

Kuvendi i Shqipërisë po zhvillon sot seancën e parë plenare, për këtë legjislaturë.

Sot, 140 deputetët e dalë nga zgjedhjet e 25 Prillit u ulen në sallën e Kuvendit për të shënuar nisjen zyrtarisht të kësaj legjislature.

Siç e përcakton edhe rregullorja e Kuvendit, drejtues i seancës së parë plenare u bë deputetja më e vjetër në moshë, Luljeta Bozo, nga radhët e PS-së.

Në fillim të seancës, në sallën e Kuvendit u vendos himni kombëtar, dhe më pas vijoi me fjalimin e saj deputetja Bozo.

Luljeta Bozo, si deputetja më e vjetër në sallën e Kuvendit, ka hapur seancën e parë të legjislaturës së X. Në fjalën e saj, Bozo e vuri theksin te nevoja për të çuar përpara reformat e ndërmarra nga legjislatura e kaluar, ndërsa i bëri thirrje deputetëve që të punojnë për të gjithë qytetarët njësoj, pa parë dallimet politike.

“Ndihem e priviligjuar që sot kam nderin e hapjes së legjislaturës së 10-te.

Ndihem e dhe më e emocionuar si grua pasi kjo sallë kurrë më parë nuk ka patur kaq shumë gra në sallën e saj. Kjo legjislaturë do mbahet mend për thyerjen e steriotipeve gjinore dhe forcimin e rolit të gruas në vendimmarrje. Ne kemi marrë një përgejgjësi të madhe për ta çuar Shqipërinë drejt Europës. Ne jemi këtu falë votës së popullit shqiptar. Nismat e marra nga Kuvendi kaluar t’i çojmë më tej. Do kemi sukses nëse mbështetemi dhe marrim në konsideratë mendimet e specialistëve. Mbështetës në këto reforma janë SHBA, aleati ynë më i fuqishëm, BE dhe vendet e rajonit. Votuesit na besuan të çojmë përpara drejtësinë, të zgjidhjes së çështjes së pronave, të zhvillimit të arsimit, shëndetësisë, arsimit. Sot është detyra jonë të punomë të gjithë njësoj pa parë ngjyrat partiake. Të kryejmë me sukses punë e deputetit. Jam e bindur se do të kemi mbështetjen e çdo shqiptari“, tha Bozo./CNA.al





Lajmet e fundit nga