web counter
LEXO PA REKLAMA!

SHKARKO APP

E fundit!

x

9 kg kokainë të fshehur në makinë/ Dy trafikantë kapen në kufirin e Kosovës

8 Shtator 2021, 08:44, Kronika CNA

Rreth nëntë kg, kokainë janë kapur në kufirin e Kosovës në Vërmicë.

Policia kufitare mbrëmë gjatë kontrolleve policore dhe doganore ka prangosur dy persona të dyshuar për veprën penale ? Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge?.

?Me datën 07.09.2021, rreth orës 21:45 në pikë kalimin kufitar Vërmicë ka arritur një automjet (pezho) me targa të republikës së Shqipërisë, në të cilën gjendeshin dy persona meshkuj me shtetësi të Shqipërisë, ku pas dyshimeve të ngritura vetura është selektuar për kontrolle.

Vetura është dërguar në vijën e dytë të kontrollit së bashku me Doganën e Kosovës, gjithashtu në bashkëpunim me autoritetet kufitare të Shqipërisë në bazë të dyshimeve të bazuara automjeti është dërguar për skanim, imazhet e skanimit kanë dhënë indikacione për hapësirë të fshehur post fabrikat nën ulësen e pasme?, thuhet në njoftimin e Policisë.

Policia shton më tej se pas hapjes së ulëses së pasme janë gjetur, nëntë paketime me substancë narkotike që dyshohet të jetë kokainë, me sasi prej 8 kg, e (800.74) gram./CNA.al





Lajmet e fundit nga