web counter
LEXO PA REKLAMA!

SHKARKO APP

App Store
Google Play

Manovra të rrezikshme në rrugë/ Policia gjobit dhjetëra shoferë

4 Shtator 2021, 14:53, Kronika CNA

Për të parandaluar shpejtësinë tej normave të lejuara, Policia Rrugore e Elbasanit, gjatë 24 orëve të fundit ka vijuar kontrollet në rrugën interurbane Elbasan – Tuneli i Krrabës.

Gjatë kontrollit, në të dyja kahet e lëvizjes janë konstatuar shpejtësi tej normave të lejuara, që varonin nga 174 km/h deri në 224 km/h në kulmin e trafikut.

Si rezultat janë tërhequr 10 leje drejtimi për shpejtësi tej normës së lejuar dhe janë vendosur 29 masa administrative për shpejtësi dhe manovra në rrugë,

Kontrollet me dron kanë vijuar në rrugën nacionale Elbasan – Librazhd, dhe Elbasan – Cërrik ku janë evidentuar e ndëshkuar për parakalim të gabuar 21 drejtues mjetesh me masë administrative 5.000 deri në 15.000 lekë të rinj.

Njoftimi i plotë:

Policia Rrugore e Elbasanit, gjatë 24 orëve të fundit ka vijuar kontrollet në rrugën interurbane Elbasan – Tuneli i Krrabës- Elbasan.

Drejtuesi i mjetit tip Audi, shtetasi A.S., nga Tirana është konstatuar me shpejtësi 224 km/h, i cili u ndëshkua me masë administrative 15.000 lekë të rinj, 6 muaj pezullim të lejes së drejtimit dhe zbritje të pikëve nga leja e drejtimit.

Shtetasi E.H, rezident në Itali u konstatua me 174 km/h, i cili u ndëshkua me masë administrative 40.000 lekë të rinj.

Gjithashtu janë vendosur 29 masa administrative për shpejtësi dhe manovra në rrugë, si dhe janë vendosur 3 masa administrative maksimale me vlerë 40.000 lekë të rinj pasi drejtuesit e mjeteve ishin shtetas të huaj.

Gjithashtu gjatë 24 orëve të fundit janë pezulluar 5 leje drejtimi për drejtim mjeti nën efektin e alkoolit, si dhe janë vendosur 12 masa administrative me vlerë deri 15.000 lekë të rinj për drejtim mjeti nën efektin e alkoolit, por pa sanksionin plotesues të pezullimit të lejes së drejtimit.

Drejtues mjetesh, qarkulloni brenda limiteve të lejuara që destinacioni juaj të jetë i sigurt, mos fluturoni  se shpejtësia vret  jetë./ CNA.al





Lajmet e fundit nga