E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Twitter teston modalitetin e sigurisë për të "eleminuar" abuzimet në rrjetet sociale

1 Shtator 2021, 19:51, Tech CNA

Twitter po teston një veçori që shpreson se do të ndihmojë në goditjen e abuzimit , pasi kjo është kthyer në një çështje të madhe në platform.

Modaliteti i Sigurisë do të shënojë llogaritë të cilat përdorin gjuhë urrjetëse ndaj përdoruesit dhe komente të papërshtatshme, duke i bllokuar për shtatë ditë.

Karakteristika do të funksionojë automatikisht pasi të aktivizohet, duke iu hequr ?barren? përdoruesve për t’u marrë me komentet e padëshiruara. Fillimisht do të testohet në një grup të vogël përdoruesish.

Karakteristika mund të aktivizohet në cilësimet, dhe sistemi do të vlerësojë si përmbajtjen e komenteve ashtu edhe marrëdhënien midis autorit të tweet -it dhe replikuesit. Llogaritë që ndiqen nga përdoruesi ose ndërveprojnë shpesh me të, nuk do të bllokohen automatikisht.

Katy Minshall, kreu i Twitter për Politikat Publike në Mbretërinë e Bashkuar, tha: “Ndërsa ne kemi bërë hapa në dhënien e kontrollit më të madh të njerëzve mbi përvojën e tyre të sigurisë në Twitter, ka gjithnjë më shumë për të bërë.

“Ne po prezantojmë Modalitetin e Sigurisë; një veçori që ju lejon të zvogëloni automatikisht ndërveprimet përçarëse në Twitter, e cila nga ana tjetër përmirëson shëndetin e bisedës publike.”

Ashtu si platformat e tjera të mediave sociale, Twitter mbështetet në një kombinim të moderimit të automatizuar dhe atij njerëzor.

Një studim i kohëve të fundit mbi gjuhën e urrejtjes të prodhuar nga Faktet Kundër Urrejtjes në emër të qeverisë finlandeze zbuloi se Twitter ishte “më i keqi nga gjigantët e teknologjisë” kur ishte fjala për gjuhën e urrejtjes.

Përgjigja, sipas autorit të studimit Dr Mari-Sanna Paukkeri, është përdorimi i sistemeve të inteligjencës artificiale të trajnuara nga njerëzit.

“Ka shumë mënyra të ndryshme për të thënë gjëra të këqija, dhe është shkencë e raketave të ndërtosh mjete që mund t’i dallojnë këto,” tha ajo.

Thjesht nxjerrja në pah e fjalëve ose frazave të caktuara, një teknikë në të cilën shumë rrjete sociale mbështeten, nuk ishte e mjaftueshme, shtoi ajo.

Krahas trajtimit të abuzimit në platformë, Twitter është bërë më i vendosur për të goditur dezinformatat. Në gusht ajo u bashkua me Reuters dhe Associated Press për të hedhur poshtë informacionet mashtruese dhe për të ndaluar përhapjet e tyre.

Ajo ka prezantuar më parë Birdëatch, një sistem i moderimit të komunitetit, i cili i lejoi vullnetarët të etiketojnë komentet që ata zbuluan se ishin të pasakta./ CNA.al