web counter
LEXO PA REKLAMA!

SHKARKO APP

App Store
Google Play

Ekzekutimi në Malësinë e Madhe/ Dëshmitari zbulon detajin: Një burrë misterioz pyeti për Pyllin e Gështenjave

28 Gusht 2021, 13:29, Kronika CNA

Detaje të reja janë zbardhur rreth ngjarjes në Reç të Malësisë së Madhe, ku i vrarë mbeti 59 vjeçari, Sokol Çela.

Hetuesit gjetën 10 gëzhoja brenda dhe jashtë makinës së ish policit, i cili po kthehej në shtëpi së bashku me gruan kur u bë atentati.

59 vjeçari u godit me breshëri plumbash, ku katër prej tyre sollën vdekjen e tij. Njëri prej plumbave e preku në zemër.

Gruaja e 59 vjeçarit Sokol Çela tha për policiët se se ishte ulur poshtë në makinë sapo i shoqi bërtiti kur pa se atentatorët u kishin prerë rrugën.

?Vrasësi i ka ruajtur, ai ka qenë në dijeni që në makinë Çelaj ndodhej me gruan. Ndaj ka qëlluar me breshëri për të mos lenë dëshmitarë pas? tregon për Report TV një ekspertë i kryerjes së vendit të ngjarjes.

Nga ana tjetër grupi hetimor ka siguruar dëshmi të banorëve për një burrë të panjohur i cili ka lëvizur gjatë ditët e fundit në fshatin e Reç. Në rrugën e kryesore ai ka pyetur se si dilet më shkurt në Pyllin e Gështenjave, i cili ndodhet 2 orë larg nga qendra . Dëshmitari u tha njerëzve të policisë se ai mbante një çantë shpine, dhe kapele.

?Mund të ketë qenë vrasës i paguar, që ka qarkulluar në fshat për të njohur mirë zonën? thotë zyrtari i policisë .

Sot familjarë dhe të afërm në Reç bënë nderimet e fundit për Sokol Çelën i cili u vra disa minuta pasi u përshëndet me kushërinjtë që organizuan një festë të posaçme për të, meqë do të largohej për në Angli atje ku jeton e punon prej shumë vitesh./ CNA.al





Lajmet e fundit nga