web counter
LEXO PA REKLAMA!

SHKARKO APP

App Store
Google Play

E fundit!

x

Siguria e punonjësve në burgje/ Zbardhet udhëzimi i Ministrisë së Drejtësisë

14 Gusht 2021, 10:53, Aktualitet CNA

Siguria e punonjësve në burgje jo pak herë është rrezikuar.  Së fundmi gjatë tentativës për arratisje të Arbër Çekajt dhe Fatmir Pjetrit një punonjës i sigurisë së burgut u sulmua dhe për pasojë mbeti i plagosur.

Më pas i njëjti është kërcënuar me familje.

Para se të ndodhte kjo ngjarje, Ministria e Drejtësisë ka nxjerrë një urdhër të ri për sigurinë e punonjësve dhe drejtuesve të burgjeve.

Udhëzimi mban datën 30.07.2021 dhe në të thuhet,  se punonjësit e burgjeve apo eprorëve që u rrezikohet jeta nga kërcënimet do të merren në mbrojtje për 3 muaj së bashku me familjen dhe pronën e tyre.

Po paraprakisht i kërcënuari duhet të vërë në dijeni Ministrinë e Drejtësinë dhe kjo e fundit do ta shqyrtojë kërkesën e tij brenda 24 orësh, për të parë nëse ka prova që rrezikojnë jetën e ankuesit.

Ai do të merret në mbrojtje, për tre muaj.

Mbrojta e tyre do të bëhet nga Policia e Shteti dhe Forcat Operacionale të Burgjeve, ku kjo mbrojtje konsiston në shoqërim fizik të vetë policit të kërcënuar, familjarëve të tij dhe mbrojtje të pasurisë dhe pronës së tij./CNA.al





Lajmet e fundit nga