web counter
LEXO PA REKLAMA!

SHKARKO APP

App Store
Google Play

E fundit!

x

Kanabisi gjelbëron Shqipërinë/ Zyrtarët vendorë mbulojnë krimin, nisin hetimet

14 Gusht 2021, 07:59, Kronika CNA

Çdo ditë policia në rrethe të ndryshme të vendit raporton raste, të mbjelljes së kanabisit nëpër parcela, pyje, prona private dhe shtetërore.

Të implikuar në shumicën e rasteve janë edhe drejtuesit e pushtetit vendor.

Së fundmi raste të tilla Policia ka raportuar nga Berati.

Sipas Policisë, parcela më hashash janë videntuar në fshatin Zhitom i Vogël, Poliçan dhe në fshatin Bistrovicë, Dimal bimë narkotike të dyshuara cannabis sativa.

?Në përfundim të veprimeve të para hetimore, specialistët për Hetimin e Krimeve në Stacionin e Policisë Poliçan, arrestuan në flagrancë shtetasin M.S., 60 vjeç, banues në fshatin Zhitom i Vogël, pasi në afërsi të tokës së tij u gjetën bimë narkotike të dyshuara cannabis sativa.

 Gjithashtu specialistët për Hetimin e Krimeve në Stacionin e Policisë Poliçan arrestuan në flagrancë dhe shtetasit P.Q., 56 vjeç, me detyrë Kryetar i fshatit Zhitom i Vogël dhe J.L., 52 vjeç, me detyrë Inspektor i Shërbimit Pyjor, pasi dyshohen se kanë konsumuar elementët e veprës penale “Shpërdorim detyre” dhe “Moskallëzim Krimi?, thuhet në njoftimin e Policisë.

Ndërkaq një 46 vjeçar nga Dimali është shpallur në kërkim, pasi në ullishten në pronësi të tij u gjetën bimë narkotike të dyshuara cannabis sativa.

Gjithashtu është proceduar penalisht shtetasi J.A., 70 vjeç, me detyrë Kryetar i fahatit Bistrovicë, pasi dyshohet se ka konsumuar elementët e veprës penale “Shpërdorim detyre”/CNA.al





Lajmet e fundit nga