web counter
LEXO PA REKLAMA!

SHKARKO APP

App Store
Google Play

E fundit!

x

Mjeku ngre alarmin/ Një e treta e vaksinave të blera rrezikojnë të skadojnë në frigoriferet e ISHP

10 Gusht 2021, 13:58, Lifestyle CNA

Eksperti i Shëndetit Publik Erion Dasho, ka dalë me një reagim të fortë në rrjetet sociale, sa i përket vaksinave anti-Covid të blera nga shteti shqiptar.

Sipas Dashos, një e treta e vaksinave të blera, pra rreth 600 mijë doza janë stok dhe rrezikojne të skadojnë në frigoriferet e ISHP.

Duke u bazuar tek cmimi fillestar, prej 20 USD për dozë, Dasho llogarit se kjo mund ti shkaktojë taksapaguesve shqiptarë rreth 12 milion USD dëm pa marrë parasysh kosto, transport taksa e etj.

“SHUPERKA KISHTE TË DREJTË

Kur nisën të blihen vaksina kineze në qindra mijëra doza dhe u përfol për një çmim 20 USD për dozë (çmim më i lartë se ai i vaksinave të Pfizer dhe Moderna), miku dhe kolegu im, Dr. Roland Shuperka parashikoi se ato mund të ngeleshin stok dhe të skadonin në frigoriferët e ISHP-së.

Kjo frikë po vërtetohet. Pardje, kryeministri deklaroi se janë blerë 1.8 milion vaksina, ndërkohë që janë përdorur rreth 1.2 milionë. 600 mijë vaksina ose një e treta e sasisë së blerë është stok dhe, me ritmet e vaksinimit, gjasat që ato të përdoren sa vjen e pakësohen.

Duke supozuar se çmimi i përfolur prej 20 USD për vaksinë është ai i drejti, në se 600 mijë vaksina skadojnë, dëmi i shkaktuar për taksapaguesit është 12 milion USD pa marrë parasysh kostot e transportit, taksat, etj.

Të përballur me këtë risk që dita-ditës po vjen duke u materializuar, nuk mund të thuhet gjë tjetër përveç:

Dr. Shuperka, ti i njeh shumë mirë abuzuesit dhe matrapazët!”/CNA.al

 

 





Lajmet e fundit nga