web counter
LEXO PA REKLAMA!

SHKARKO APP

App Store
Google Play

Ka oferta nga 3 klubet të huaja, Mara dhe Skënderbeu s'po gjejnë dot gjuhën e përbashkët për rinovim/ Ja prapaskenat

10 Gusht 2021, 09:24, Sport CNA

E ardhmja e yllit të Skënderbeut, Uerdi Mara, mbetet ende pezull. Mësohet se 22-vjeçari ka marrë ofertë nga 3 klube të huaja, teksa është në pritje të përgjigjes për sa i përket një transferimi të mundshëm jashtë Shqipërisë.

Nga ky transferim i Marës, pritet të përfitojë diçka në aspektin ekonomik edhe klubi i Skënderbeut, teksa mesfushorit i duhet të gjejë gjuhën e përbashkët me drejtuesit e klubit korçar për sa i përket një largimi të mundshëm.

22-vjeçari del futbollist i lirë në muajin janar, teksa ende nuk ka një akord për sa i përket rinovimit. Gazeta mëson se palët nuk po bien dakord për pjesën kohëzgjatjes së rinovimit. Skënderbeu kërkon që mesfushori të rinovojë edhe për 4 vite, ndërkohë që dëshira e vetë futbollistit është që të nënshkruaj kontratë 1+1.

Mara ka qenë një ndër futbollistët më të spikatur të sezonit të shkuar, duke bërë regjisorin e mesfushës korccare. Talenti nga qyteti i Maliqit, gëzon cilësi teknike të shkëlqyera, ku herë pas herë ka marrë elozhe të ndryshme nga trajnerë dhe specialistë në studiot televizive.

Në ndeshjet e fundit miqësore të zhvilluara, futbollistit të rritur në akademinë e Skënderbeut, i është besuar edhe shiriti i kapitenit, për ta ?joshur? disa që të rinovojë, por gjithsesi palët ende nuk kanë gjetur gjuhën e përbashkët, teksa mbetet me mjaft kuriozitet të mësohet se cila do të jetë e ardhmja e mesfushorit?





Lajmet e fundit nga