web counter
LEXO PA REKLAMA!

SHKARKO APP

App Store
Google Play

E fundit!

x

Situatë kritike nga zjarret në Gjirokastër/ Digjen katër hektarë shkurre dhe në Divjakë

2 Gusht 2021, 16:36, Kronika CNA

Situata e zjarreve në vendin tonë vijon të jetë mjaft kritike, ndërsa raportohet për të tjera vatra të reja.

Pasditen e sotme mësohet se një tjetër zjarr i madh ka rënë fshatin Doskat në Lunxheri të Gjirokastrës, ku deri më tani janë djegur 3 hektarë kullota, ndërsa rrezikojnë të digjen edhe 5 hektarë të mbjella me pemë frutore.

Ndërhyrja nga forcat zjarrfikëse është e vështirë, për shkak se është ende aktive vatra e zjarrit në Palokastër dhe për pasojë është i vështirë menaxhimi i situatës nga zjarrfikësit.

Ndërkaq në flakë janë përfshirë edhe kodrat e fshatit Babunje në njësinë administrative Hradishte të Bashkisë Divjakë.

Prej disa orësh dy mjete zjarrfikëse dhe 10 personel zjarrfikës si dhe banore të zonës kanë mundur ti vënë nën kontroll flakët.

Nga zjarri janë djegur 4 hektarë shkurre të larta, si dhe janë rrezikuar ullishte e vreshta.

Sipas banorëve zjarri mund të jetë aksidental por i ndihmuar nga era e fortë dhe temperaturat e larta ka djegur pyllin dhe disa toka në kufi. Fatmirësisht flakët janë vënë në kontroll.





Lajmet e fundit nga