“Peshku i madh është bërë peshkaqen”/ Gazetari zbulon skandalin në SPAK

27 Korrik 2021, 06:29, Kronika CNA

Një ditë më parë në media u raportua se Astrit Avdylaj, i cilësuar si ?koka? e grupit kriminal, së bashku me 3 anëtarë të tjerë të grupit janë liruar nga qelia. Shkak është bërë kalimi i afateve të paraburgimit.

Sipas ligjit duhen 12 muaj paraburgim deri në dhënien e vendimit por deri më sot kanë kaluar 14 muaj dhe ende nuk është dhënë vendimi i shkallës së parë për Astrit Avdylajn e 3 te tjerët që janë hetuar si pjesë e grupit Volvo 4, të dosjes 339.

Por në lidhje me këtë lajm ka reaguar edhe gazetari Elton Qyno.

Ky i fundit, në një postim në rrjetet sociale, akuzon drejtpërdrejt prokurorët e SPAK, se kanë ?djallosur? me duart e veta, një dosje që e kanë pasur mbi tavolinë.

?Nëse një prokuror, do të djallosë me duart e veta një dosje që ka mbi tavolinë, është të luajë lehtësisht me afatet.

1. Me afatet e paraburgimit, duke i tejkaluar ato dhe dhënë mundësi të burgosurit të lirohet nga burgu.

2. Me afatet e hetimit të dosjes penale dhe komunikimit të akuzës zyrtare brenda afatit hetimor.

3. Shmangia e provave dhe papërdorshmëria e tyre procedurialisht.

4. Shkelje të rënda proceduriale të kryera qëllimisht, të cilat sjellin efektin ?Nul?.(Pavlefshmërinë Absolute)

Një gjë e tillë ndodhi këtë javë në SPAK. Pikërisht në atë SPAK, që sot ju lëshua me tërbim hipotekës së Tiranës, për të kapur disa cironka dhe nga ana tjetër prokurorët e SPAK, hapën derën e burgut nr.313, duke liruar ?Niçen? e famshëm apo Astrit Avdylaj, për shkak se këtij të fundit i kanë mbaruar afatet e paraburgimit prej gati 2 muajsh.

Dhe bashkë me ?Niçen? e përgjimeve të votimeve në zgjedhjet parlamentare 2017 në qarkun e Durrësit dhe ?Niçen? e Heroinës së Hasit, sot lanë qelinë dhe Jasin Kala dhe Fatos Llavdiu.?-shkruan gazetari.

Më tej, ai thekson se nuk mund të presim arrestime të të ashtuquajtuve ?peshq të mëdhenj?. Sipas tij, ?peshku I madh? është bërë ?peshkaqen? dhe nuk do tia dijë për rrjetën e SPAK.

Po ashtu, gazetari Qyno shkruan se sot, SPAK-u i ktheu qokën partisë.

?E kam thënë dhe më parë që mos prisni më peshq të mëdhenj. Peshku i madh, sot është rritur dhe është bërë peshkaqen. I është bërë dhëmbi si i elefantit dhe nuk pyet për rrjetën e SPAK-ut.

Sot SPAK-u i Partisë ja ktheu qokën ?Titit? të Partisë.

Tashmë të ?çmendurit? Astrit Avdyli, njeriut që vinte në rresht të gjithë policinë dhe administratën shtetërore të Durrësit, do ti duhet të rruhet çdo ditë në ambjentet e shtëpisë së tij në Shijak, pikërisht nga punonjësit e policisë së Durrësit.

Kur do flasim???-përfundon postimin e tij Elton Qyno./CNA.al