web counter
LEXO PA REKLAMA!

SHKARKO APP

App Store
Google Play

Mark Marku kundër Bashës/ Ti parashikove humbjen

17 Korrik 2021, 12:52, Politikë CNA

Partia Demokratike po zhvillon Kuvendin Kombëtar, ku pas votimit të ndryshimeve në statut, po flasin edhe drejtuesit politik, të kësaj force politike në zgjedhjet e 25 prillit 2021.

Në Kuvendin e PD-së, ka folur edhe Mark Marku, drejtuesi politik ikësaj force politike në Lezhë.

Duke u ndalur tek analiza e objektivit të synuar dhe rezultateve të arritura, Mark Marku u ndal në Elbasan, për të cilin tha se PD praktikisht kishte parashikuar humbjen.

Në fjalën e tij, Mark Marku i ka drejtuar kritika në mënyrë të drejtpërdrejtë Lulzim Bashës, ndërsa tha se ?Në Elbasan ishte parashikuar humbja.

Ti praktikisht ke parashikuar humbjen.

Analiza dhe rezultati nga pikëpamja metodologjike tregojnë më shumë mendësinë e humbjes, të mentalitetit nga lidershipi i PD, sesa rezultate konkrete?-tha Mark Marku.

Gjithashtu ai tha se “Për herë të parë në historinë e pluralizmit, PD nuk arriti të vijë në pushtet, pas dy mandateve të qeverisë tjetër. Sot PD ka marrë një numër të madh votash. Ka një numër më të madh deputetësh në parlament. Iu bëj thirrje që ta mendomë këtë. PD është në pikën më kritike të saj, pavarësisht rezultati. Pse? Sepse kundërshtari ynë politik me këto zgjedhje, është shndërruar në regjim politik me rrezik të lartë. Anëtarësia e PD, opinioni publik, mendoj se kanë pritshmëri tjetër nga ajo që po bëjmë ne sot. Mënyra se si po përballemi në këtë Kuvend, është jashtë kontekstit ku ndodhemi.

Nëse ne nuk kapin kohën politike, ne rrezikojmë që pas 4 vitesh të mblidhemi këtu dhe të themi; na vodhën prapë. Ose masakër zgjedhore. Duhet të mendojmë që mos të na vjedhin sërish. Kur na vjedhin dy herë shtëpinë, e ke pak fajin dhe ti, se ke lënë derën hapur. Por diçka nuk shkon, t?i mbyll kuvendin, voton dhe pastaj flas unë këtu. Ky Kuvend do të prodhojë dy gjëra i bie. Zgjero sa më shumë Kuvendin, por aq më shumë e defunksionalizon. Po hajde ta bëjmë partinë të gjithë Kuvend Kombëtar”.-/CNA.al





Lajmet e fundit nga