web counter
LEXO PA REKLAMA!

SHKARKO APP

App Store
Google Play

Liga e Konferencës, ja ekipet shqiptare që zbresin sot në fushë

15 Korrik 2021, 07:20, Sport CNA

Sot në ndeshjet e dyta të turit të parë kualifikues të Ligës së Konferencës do të zbresin 8 skuadra shqiptare në fushën e blertë me synimin e qartë, të avancojnë për fazën tjetër. Në orën 17:00 do të luhet sfida Struga-Liepaja. Gjithçka është e hapur për këtë ndeshje pasi sfida e parë ka përfunduar me shifrat e barabarta 1-1. Në orën 19:00 e ka rradhën skuadra e Partizanit e cila do të luajë ndaj moldavëve të Sfintul George në shtëpinë e këtyre të fundit. Partizani është me një këmbë drejt turit të dytë kualifikues pasi ndeshjen e parë e fitoi me shifrat 5-2 në stadiumin ?Elbasan Arena?.

Në orën 20:00 do të luajë skuadra e Laçit në stadiumin ?Elbasan Arena? ndaj malazezëve të Podgoricës, ku edhe kjo sfidë është e hapur pasi ndeshja e parë përfundoi me rezultatin 1-0 në favor të ekipit malazez. Po në orën 20:00, do të kemi një derbi të skuadrave shqiptare, Llapi-Shkupi, ku takimi i parë përfundoi me fitoren e shkupjanëve me rezultatin 2-0.

Në orën 20:45 do të kemi sërish një derbi të skuadrave shqiptare ku skuadra e Deçiçit të Tuzit do të masë forcat ndaj Dritës së Gjilanit, ku këta të fundit fituan takimin e parë me rezultatin 2-1. Në orën 21:00, Vllaznia në stadiumin ?Loro Boriçi? do të synojë mrekullinë ndaj Shiroki Brijeg, ku në ndeshjen e parë u mposhtën me rezultatin 3-1.





Lajmet e fundit nga