E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ish-gjyqtari i aferës 300 milionëshe sërish para drejtësisë/ Vettingu nuk e lëshon nga duart

11 Korrik 2021, 11:53, Vetingu CNA

Ish gjyqtari i Apelit të Tiranës, dhe ish anëtari i Këshillit të Lartë të Drejtësisë, edhe pse i dnëuar me vendim të formës së prerë nga ish-Gjykata për Krime të Rënda, do të përballet ende me Vettingun.

Kolegji i Posaçëm i Apelimit, ka njoftuar se me datë 21.07.2021, ora 13:00, do të gjykohet në seancë gjyqësore publike çështja (JR) nr.30/2021 datë 02.06.2021 që i përket ankimit të Komisionerit Publik kundër vendimit të Komisionit të Pavarur të Kualifikimit nr. 374, datë 23.04.2021, që lidhet me subjektin e rivlerësimit Shkëlqim Miri.

Trupi gjykues përbëhet nga Sokol Çomo, kryesuese, relatore, Natasha Mulaj dhe anëtarë Ardian Hajdari, Ina Rama dhe Rezarta Schuetz.

Kujtojmë se Komisioni i Pavarur i Kualifikimit, me vendimin nr. 374, datë 23.4.2020, ka vendosur: ?Të deklarojë të ndërprerë procesin e rivlerësimit kalimtar për subjektin e rivlerësimit Shkëlqim Miri, për shkak të humbjes së statusit të magjistratit, pasi është dënuar me vendim të formës së prerë?.

Komisioni, ndër të tjera, ka arsyetuar se në kushtet kur ?shkarkimi nga funksioni për përgjegjësi disiplinore? përbën një nga rastet e mbarimit të statusit të magjistratit, sipas parashikimit të germës ?ç?, të nenit 64 të ligjit nr. 96/2016, ?Për statusin e gjyqtarëve dhe prokurorëve në Republikën e Shqipërisë?, të ndryshuar dhe, për rrjedhojë, subjekti i rivlerësimit gjendet në parashikimet e kësaj dispozite.

Por, Komisioneri Publik, Darjel Sina, ka gjetur pretendime për të ankimuar vendimin e KPK.

Ankesa e Komisionerit Publik

Komisioneri Publik, Darjel Sina ka konstatuar se KPK në vendimmarrjen e tij, për raste të ngjashme, duke arsyetuar me të njëjtën bazë ligjore, nenin 140 të Kushtetutës, si dhe nenin 64 pika 1, germa ?ç? e ligjit nr. 96/2016, pika 6, e nenit 4, të ligjit nr. 84/2016 dhe nenin 95 të Kodit të Procedurave Administrative, në vendimin nr. 316/2020, që i përket subjektit të rivlerësimit, Shkëlqim Miri, ka vendosur për përfundimin e procedurës pa vendim përfundimtar, për shkak se subjekti i rivlerësimit ka humbur statusin e magjistratit, ndërsa në vendimin nr. 374/2021, bazuar në nenin 95 të Kodit të Procedurave Administrative, ka vendosur ndërprerjen e procesit të rivlerësimit kalimtar për subjektin, z. Miri, për shkak të humbjes së statusit, pasi është dënuar me vendim të formës së prerë

Sina i ka kërkuar KPA, që shkaqet e ankimit të merren në shqyrtim nga ana e Kolegjit dhe të orientojë Komisionin e Pavarur të Kualifikimit për zgjidhjen e çështjeve të ngjashme mbi nevojën për saktësimin e bazës ligjore, arsyetimin ndryshe të vendimit, dhe sipas vlerësimit të Kolegjit,

?Kërkojmë që vendimi nr. 374, datë 23.4.2021, të merret në shqyrtim nga ana e Kolegjit dhe, në zbatim të nenit 66, të ligjit nr. 84/2016, në mënyrë alternative të vendosë: – Ndryshimin e pikës 1 të dispozitivit të vendimit nr. 374, datë 23.4.2021, të Komisionit të Pavarur të Kualifikimit?, thuhet në ankesën e Komionerit Publik Darjel Sina.

Ish gjyqtari u dënua për korrupsion

Ish-gjyqtari Shkëlqim Miri, u arrestua në nëntor 2017 me afro 33 milionë lekë cash në shtëpi.

Pas rreth një viti hetimesh ai u dënua në Gjykatën e Shkallës së Parë për Krimet e Rënda në Tiranë me masën minimale të parashikuar për veprën penale të ?korrupsionit pasiv të gjyqtarëve dhe prokurorëve? ndërkohë që përfitoi ulje me një të tretën e dënimit për shkak se pranoi gjykim të shkurtuar, ndonëse nuk pranoi fajësinë.

Në vendimin e dhënë më 27 nëntor 2019, Miri u dënua atë me 2.6 vite burg.

Kujtojmë se ish-gjyqtari së bashku me kushëririn e tij Kujtim Miri dhe Alban Bucin u arrestuan nga prokuroria për akuzën e korrupsionit pasiv dhe aktiv, pasi sipas prokurorisë kundrejt 30 mijë eurove, ndërhynë për të lënë në fuqi dënimin me 8 vite burg për Gentian Dodën, dënim i cili i dha lirinë të akuzuarit për vrasje në Burrel.

Hetimi i prokurorisë nisi pas informacioneve të marra se funksionarë të drejtësisë kanë favorizuar të pandehurin Gentian Doda i cili ishte dënuar në vitin 2012 me 20 vjet heqje lirie. Doda kishte marrë një ulje dënimi nga Gjykata e Matit dhe më pas trupa gjykuese e Apelit të Tiranës, pjesë e të cilës ishte edhe gjykatësi Miri, la në fuqi dënimin e ri me 8 vjet burg ndaj tij.

Akuza ndaj ish-gjyqtarit Miri u mbështetën në një sërë përgjimesh dhe më pas në sekuestrimin e sasisë prej rreth 250 mijë eurosh që u gjetën ?cash? në shtëpinë e tij./CNA.al